JOSHUA 9:24 - PATHIAN LEKHABU THIANGTHO (BSI)

²⁴ Amau inle Joshua kiang in, “Lalpa la Pathian in, a suak Mosi kiang ah gam zosia hi la khut ah pia in, a gam ah chêng zosia hile la ma-âng ah sumangthai sik sek dingin thu a piai, ti thu la suakte hin ka la hiau ah; chutichun, nangmau ziak ah ka hinnau matsua ding ka lau ziak un, zia gual hin ka la bawl ta mai uh a hi.

JOSHUA 9:24 Referans Kwoze

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

JOB LEKHABU 2:4

Ziaphatchun, Setan in Lalpa a dawnhu a, “Vun thasâng ah vun! Mihing in a nei zosia chu a hinna dingin pia phal ngei ding a paw em?

JOSHUA 9:9

Amau chun a kiang in, “Lalpa la Pathian min ziakin, la suakte hi gamla tak ah kipat hung ka hiu; la minthan dan leh Aigupta gam ah la thilbawl zosia leh,

JOSHUA 2:9

a kiang un: “Zia gam hi Lalpa‘n a hun piaksa ahi tai, nang uh kicha’n launa’n ka dim tau in, zia gam ah chêng zosia hi nang uh lau ah timaw gawp ka hitau hi ti ka hia’i;

JOSHUA 2:11

Zia thute chu ka la het phat un, ka ngaituanateu chu a timaw gawp ngâl ta’n; nang uh ziakin hânsanna nei ka um ta puau ah. Lalpa la Pathian uh hi chung lam van leh nuai lam lei ah Pathian tak tak chu ahi ngâl a.

JOSHUA 6:21

Ziaphatchun, khawpi sung ah um zosia, pawsal leh numei, chapang leh piting, bawngchal, belam leh sabiltung a leng un chemjam in a that gam sik sek tau hi.

JOSHUA 10:2

Gibeon chu khawpi lian tak, Lengte chênna khawpi gual leh Âi khua sâng ah lianzaw leh a khua sung ah chêngte le mi hangsan leh hat ngen a hiu ti a het ziakin, a lau ta ma mau a.