JOSHUA 9:1 - PATHIAN LEKHABU THIANGTHO (BSI)

¹ Tu’hin, Jordan gâl langkhat lam ah tâng gam leh phâi, Tuipi Lian gei jul jul ah kipat Lebanon tiang ah leng um zosia: Hit mite, Kanaan mite, Periz mite, Hiv mite leh Jebus mite chun a chanchin uh a la het phat un,

JOSHUA 9:1 Referans Kwoze

KISIMNA LEKHABU 34:6

La tumlam gamgi ding un Tuipi Lian luipangte chu mang in la tiu in; zia chu tumlam kâi ah la gamgi ding uh hi’n a.

PAWTDAWNA THU 3:17

Aigupta gam ah la thokgimnau ah kipat hun pui dok ing ka tin, Kanaan mite, Hit mite, Amor mite, Periz mite, Hiv mite leh Jebus mite a la chênnau, khuaizu leh bawngnawi luanna gam ah hin hun pui lût ding ka hi, ti ka tiam la hiu, a tii,’ ti’n la.

JOSHUA 3:10

Joshua chun, “Zia gual ah hin Pathian hing chu la lak ua um ngei a hinai ti hethei in lau; matheilo in la masang un Kanaan mite, Hit mite, Hiv mite, Periz mite, Girgash mite, Amor mite leh Jebus mite chu nawdaw piak intin;

PAWTDAWNA THU 23:23

Ka vansawlchâk chu la ma-âng ah a chia phat leh, Amor mite, Hit mite, Periz mite, Kanaan mite, Hiv mite leh Jebus mite gam chu hun pui tung intin; amau chu gawtmang dim dem ding ka hi’ngal a;

JOSHUA 24:11

Jordan lui hung gâl kâi ah, Jeriko khua la hung tun phat un, Jeriko khua mite: Amorte, Perizte, Kanaante, Hitte, Girgashte, Hivte leh Jebus mite’n a hun do tau a; ahi’n la, amau chu la khut un ka hun pia ta ahi.

JOSHUA 23:4

Nam tam tak ka la nawdok piaksa ban ah, tu’ ah um nalaite hile, a gam uh Jordan lui ah kipat tumlam ah Tuipi Lian tiang huap hin, nang hawn la phung dungzui chiat ua la lua ding uh, la go chan ding ua ka hun hop piak la hitau hi.

JOSHUA 22:7

Manasseh phung ah mi a kimkhatte kha Mosi’n Bashan gam ah chanvo a la pia’n; ahi’n, a kimkhat dangte kiang in Joshua’n Jordan lui tumlam pang ah a unauteu kiang in chanvo a la pe zo tai. Chuleh, Joshua’n amau chu a maljawl ah, a puanbûk lam ua a sawl kit lai ah khan,

JOSHUA 22:4

Tichun, Lalpa la Pathian un la kiang ua a la kitiam dungzui in, la unauteu chu a chawldamsak ta ahi; ziaziakchun, Lalpa suak Mosi’n Jordan lui gâl lam ah la chanvo ding ua a hun piakna gam lam ah, la puanbûkteu kha zuan kit tau in;

JOSHUA 15:12

Chun, tumlam pang ah gamgi chu Mediteranean Tuisuagiat gei jul jul chu ahi mai hi. Zia gamgi chun Judah phung ah mite, a Inkuan dungzui chiat un a kual khum hi.

JOSHUA 13:5

Gebal mite gam leh sualam Lebanon gam zosia, Hermon tâng nuai ah Baal-gad ah kipat Lebo-hamath khua lutna tiang leh,

JOSHUA 11:17

Seir ah kipat Hermon tâng nuai ah Lebanon phâijang ah Baal-gad tiang ah, Halak tâng dung tiang in a la suak tai. A lengteu a man ah, vaw pâi in, a that sik sek tai.

JOSHUA 10:23

A gen gual in a bawl tau a, Leng pangate: Jerusalem Leng, Hebron Leng, Jarmuth Leng, Lakhish Leng leh Eglon Lengte chu kawlhawm ah kipat chun a hun puidok tau hi.

JOSHUA 5:1

Chuleh, Jordan lui gâl tumlam ah Amorte leng zosia tawh, tuisuagiat gei jul ah Kanaan mite leng zosia chun, Lalpa‘n Israel mite zosia’n Jordan lui a gâl kâi masang siau, Jordan lui tuite chu Israelte â dingin a kangtansak hi, ti a het phat un, Israelte a lau ziak un a lungthim uh timaw zo in, a tha leh zung le a nei puau hi.

JOSHUA 3:17

Israel mipi zosia’n lei hul ah chia ah, a leng ua Jordan lui a gâlkâi masang siau chu Lalpa thuthung thingkuang jawn thiampute chu Jordan lui lai tak in, lei hul ah chun a ding den tau a.

JOSHUA 1:15

Lalpa la Pathian un a piakna gam chu lua ah, nanghaw gual tho ah la unauteu Lalpa‘n chawldamna a piak masangsiau gâl chu la dopi ding uh a hiu. Ziazaw chuleh, Lalpa suak Mosi’n a hun piakna, Jordan lui gâl sua lam kâi ah la gam ua chun kile’kit in, zia gam chu chang ta’n lau,” a tia.

JOSHUA 1:4

Gamthip ah kipat Lebanon tâng leh Luipi Lian, Euphrates tiang ah Hit mite gam zosia tawh, tumlam ah Tuipi Lian chu la gam giu hi’n a.

DAN LEKHABU 7:1

Lalpa la Pathian un nam tam tak, nanghaw sâng ah hatzaw leh tamzaw Hitte, Girgashte, Amorte, Kanaante, Perizte, Hivte leh Jebushte, nam sagite hi a naw daw zaw phat ah, la luana ding uh gam ah a hun pui lût ah, la lua phat ua leh,

DAN LEKHABU 4:49

Jordan lui sualam Arabah gam zosia, Pisgah tângpang ah Arabah Tuisuagiat gei tiang ahi, ti in.

DAN LEKHABU 3:25

Jordan lui gâl ah gampha, tânggam pha leh Lebanon chu mu dingin ei gâl kâisak ham ham in aw,” ka ti’n.

PAWTDAWNA THU 34:11

Tu’ni ka thupiak hi vop pha’n. En in, la âng ah hin Amorte, Kanaante, Hitte, Perizte, Hivte leh Jebushte haw hi nawdok ding ka hi.

PAWTDAWNA THU 23:31

Chuleh, la gamgi chu Tuipi San ah kipat Philistinte Tuipi tiang; gamthip ah kipat Euphrates luipi tiang in gît piak ing ka; a gam ah chêngte chu la khut ah pia ding ka hi’ngal a: Chuleh, amau chu la ma-âng ah kipat in la nawdok ding ahi.

KISIMNA LEKHABU 13:29

Negeb lam ah chun Amalekte a chêng un, tânggam ah Hitte, Jebuste leh Amorte a chêng un, tuisuagiat pâm leh Jordan dung ah chun Kanaan mite a chêng ui,” a tiu a.

JOSHUA 6:27

Chutichun, Lalpa‘n Joshua a umpi ah; gam pumpi ah chun a minthang tai.

JOSHUA 9:7

Himaleh, Israelte chun, Hiv mite kiang ah chun, “Ka lak ua chêng khatto hi’n lau e! Zia gual chu hileh bangti’n kichamna thuthung siam thei ding ka hiu em?” ti’n a dawnhuu a.

DAN LEKHABU 1:7

Kichawn unla, Amorte chênna tâng gam leh a kîmvêl ua gamte: Arabah tâng gam zosia leh Saphelah, Negeb tuisuagiat pang gam niamna, Kanaante leh Lebanonte chênna gam zosia ah kipat Luipi Lian, Euphrates luipi tiang in chia pek un.

2 SAMUEL 24:7

Tura kulpi a hung tung un, zia zaw ah chun Hiv mite leh Kanaan mite chênna gam zosia’n a chia zaw nung un, Judai gam Negeb ah Beer-sheba a hung tung tau hi.