A mallam gamgi ding uh chu Jordan lui in a kipan a; Jeriko simlam kenliang in a kithungto pek ah, tumlam ah tâng gam lam in a chia to pek ah; Beth-aven gamthip in a tawp tai.
Ziaphatchun, Benjaminte’n guallel a hitau ti a hung kihedok tau ah. Israelte’n Gibeah khua ûm ah changgute chu a muan ziak un, Benjaminte chu a awng awt tau a.
Joseph phung ah mite gam ding ah kipiakna chu, Jeriko khua jawn ah Jordan lui ah kipat in gamthip lam, sualam pang Jeriko tui mun chan in; Jeriko khua kipat in thingtâng gam ah Bethel tiang in a chia to pek a;
Âi khua lengpa’n a hun gâl mu phat in, Israelte do ding in Arabah jawn lam ah chun ama tawh, a mipite leh khawpi sung ah chêng zosia chu jingkal vaima tak in a kuandok tau ah; himaleh, khawpi nung lam ah amau chânggu lawi um a hiu ti lam him him a he puau hi.
Ziaziakchun, Israelte ah kipat tai mang in, gamthip lam a del tau ah; himaleh, khawpi sunglam ah kipat hung pawtdokte chun a hun lap tak ziak un a that gam tau hi.