JOSHUA 8:1 - PATHIAN LEKHABU THIANGTHO (BSI)

¹ Ziaphatchun, Lalpa‘n Joshua kiang in, “Lau kin la, lunglel diak kin; gâl kap thei zosia pui inla, tu’hin Âi khua chiatopi ta’n. Ngai in, Âi khua lal leh a mite, a khawpi leh a gam zosiau la khut ah ka hun piak ahi tai.

JOSHUA 8:1 Referans Kwoze

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

DAN LEKHABU 7:18

amau chu lau kiu in. Lalpa la Pathian un Pharaoh leh Aigupta gam chung ah a thilbawl zosia kha hezing zaw tau in;

DAN LEKHABU 1:21

En un, Lalpa la Pathian un gam chu a hun pe zo ta’n; chia to unla, valua tau in; la pu leh pateu kiang ah a tiamsa ahi ngal ah; lau kiu inla, lungthuai diak kiu in,” ti ka gen la hiu.

JOSHUA 6:2

Lalpa‘n Joshua kiang in: “En tiam in, Jeriko khawpi tawh a lengpau leh a sepai zosiau chu la khut ah ka piak a hitau.

DAN LEKHABU 31:8

Lalpa la Pathian un la mau a pui pek hi. Hun umpi zing intin, hun lawsapsak lo ding leh hun nusia ngailo ding ahi ngâl a. Lau kin la, lungthuai diak kin,” ti’n a thamuan a.

ISAI 43:2

Tuili thûk la hawthen tak leh le, hun umpi ing ka tin; luiliante hawtheng lechinle, hun chup pua’n tin; meikuang paltheng ma lechinle, hun kâng diak pua’n tin; meikuang in hun kângtum lo ding ahi.

MATTHAI 8:26

Ama chun a kiang un, “Ginna tawmte haw, bangatia lau la hiu em?” a tia. Zia nung ah chun a tho ah, huipi leh tui chu a vau ah, a hung thip veng veng tai.

DANIAL 4:35

lei chung ah chêng zosia hi bangmalo mai a hiu in, van ah um zosia chung leh lei ah chêng zosiate chung hin, ama’n a nop dan dan ah a bawl mai ahi. Kuama’n a khut chu a tutâng thei pua’n, a kiang inle, Bang ding ah la chuti bawl a hem? tithei le a um puau hi, ti in.

DANIAL 4:25

Nangma chu mihingte lak ah kipat nawdaw in um in la tin, gamsate lak in hung chêng ta’n la. Chuleh, Hat Chungnung in mihingte lenggam chung in vai a hawm in, a nop nop kiang in lenggam a pesek hi, ti la hun hetdaw masang sia, hun sagi sung chu bawngchalte gual in hampa nêksak ah um in, van dâichîm in hun chapzing ta’n a.

DANIAL 2:21

Ama’n hun leh hunbîte a sudanglam ah, lengte a paitha’n, lengte a tungding hi; mipil kiang ah pilna a pia’n, hetthiamna neite kiang in hetna a pia’i.

JEREMIAH 46:27

“Himaleh, nang ka suak Jakob, bangma lau kin. Aw Israel, lungthuai diak kin; gamla tak ah chun hun hukdok in, la suan la pâkteu chu, a saltânnau gam ah kipat in, hukdok ding ka hi’ngâl a. Jakob chu hung kit intin, thamuang tak leh chawldam tak ah chêng in, kuama’n sulau thawng ta pua’n au.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 44:3

a chemjam ziak uh hilo in gam hi la zawsak a; amau bân thahât ziak bep ah kihukhing a hipuau hi; amau la doisakna ziakin la khut changlam leh, bân thahât leh la mêl vâk in a hizawi.

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

JOSHUA 7:9

Kanaan mite leh zia gam ah um zosia’n hun hia’n tiu in, ei hun ûm in, lei chung ah kipat ka min uh hi’mangthai zo ding a hitau hi. Zia phat chuleh, la min thupi tak chu bang la law ta diam?” a ti tai.

JOSHUA 10:7

Tichun, Joshua tawh a kiang ah gâl do mi, mi hat leh hangsan zosia chu Gilgal ah kipat in a kuan to tau a.

JOSHUA 10:8

Lalpa‘n Joshua kiang in, “Amau chu lau him him kin, la khut ah ka piaksa ahi ta’ngâl un; a lak ua khat chale nang hun zo ding um lo a hiu,” ti’n a gen a.

JEREMIAH 49:3

Aw Heshbon, Âi khua suksiat ahi tâk ziakin, ha-kâ in kap ta’n! Aw Rabbah chanute haw, kap jak tau in! saidip puan sil unla, sûn unla, buai lei lui in tai tawl het hut tau in. Milkom chu a thiampute tawh, a tawi a chante pum in, sal ah pui mang ah um ding ahi ta’ngâl un.

DAN LEKHABU 7:21

Pathian thupi tak leh lau um tak, Lalpa la Pathian uh chun a hun umpi ziakin, amau chu lau kiu in.

JOSHUA 2:24

Joshua kiang in, “Lalpa‘n a gam pumpi chu I khut un ei pia tak tak na ahi; zia bep chule hilo in, zia gam ah chêng zosia chu ei uh ei lau in I âng un a timaw zo tau hi,” a tiu a.