JOSHUA 7:5 - PATHIAN LEKHABU THIANGTHO (BSI)

⁵ Âi khua mite chun mi sawmthum leh guk ding vêl hial chu a la that tau ah; kul kotkhak bul ah kipat Shebarim tiang in a hun del ua, tângpang ah a hung jamna lam ua a thau ahi. Mipite chu lungthuai in a zawitha tau hi.

JOSHUA 7:5 Referans Kwoze

JOSHUA 2:11

Zia thute chu ka la het phat un, ka ngaituanateu chu a timaw gawp ngâl ta’n; nang uh ziakin hânsanna nei ka um ta puau ah. Lalpa la Pathian uh hi chung lam van leh nuai lam lei ah Pathian tak tak chu ahi ngâl a.

JOSHUA 2:9

a kiang un: “Zia gam hi Lalpa‘n a hun piaksa ahi tai, nang uh kicha’n launa’n ka dim tau in, zia gam ah chêng zosia hi nang uh lau ah timaw gawp ka hitau hi ti ka hia’i;

THIAMPUTE LEKHABU 26:36

Hing leh dam ah suakcha, a mêlmateu gam ah umte chung ah chun lungthim ah lauthawngna tunsak ing ka tin; hui in hampa a mût git mai mai le lau ah, chemjam in a del gual ah tai in, kuama’n a del lo inle kipal pâi hial in tai in au.

NAHUM 2:10

Chomnâm ah um, nutsia ah um leh, suksiat dim dem ahi tai! Lungthim a basam in, khûp zosia a kithing tai; kawng zosia a kithing na zo ta’n, maisua zosia a ngûi zo tai!

EZEKIEL 21:7

Amau in la kiang ah, Bang ding ah thûm la hem? a hun ti phat uh leh a kiang un, Thil hung tung ding ziak ahi. Lungthim zosia tuitha’n tin, khut zosia zeng intin, ngaituana zosia basam intin, khûp zosia zawitha ta’n ah. En in, hung tung ding a hita’n, guitung ziang ding ahi tai, Lalpa Pathian in a tii, ti’n gen in, a ti’n.

ISAI 13:7

Ziaziakchun, khut zosia zawitha ta’n tin, mi tin lungchang chautha ta’n tin,

SAM 22:14

Tui gual ah butthâk in ka um in, ka gu zosia le a kilawng zo tai; ka thinlung le khuailu gual in, ka awp sung hin a tui zo tai.

JOSHUA 5:1

Chuleh, Jordan lui gâl tumlam ah Amorte leng zosia tawh, tuisuagiat gei jul ah Kanaan mite leng zosia chun, Lalpa‘n Israel mite zosia’n Jordan lui a gâl kâi masang siau, Jordan lui tuite chu Israelte â dingin a kangtansak hi, ti a het phat un, Israelte a lau ziak un a lungthim uh timaw zo in, a tha leh zung le a nei puau hi.

DAN LEKHABU 1:44

Zia tâng gam ah chêng, Amorte chu nang uh do dingin a hung kuandok ua, khuaingal in mi a del gual in a hun del mang tau ah. Seir tâng ah kipat Hormah tiang in a hun zo tau hi.

SAM 58:7

Tui kigêl mang gual in bei uh hen la; hampa gual ah mihing chotden ah um in vuaitha tau hen.