JOSHUA 7:25 - PATHIAN LEKHABU THIANGTHO (BSI)

²⁵ Joshua’n a kiang un, “Bang ding ah ka chung ua buaina tunsak la hi em? Lalpa‘n tu’ni hin la chung ah buaina a hun tunsak ahi tai,” a tia. Chuleh, Israel mipi zosia’n suang in a sep tau ah; ziazaw ah chun mei ah hâl tum in, suang a sep khawm nalai un;

JOSHUA 7:25 Referans Kwoze

JOSHUA 6:18

Nang uh chu zia thil hânsia lawkhumsa lak ah kipat hin kikoi kâng unla, suksiat ding ah kipedoksate hi a la en lâ in, Israelte giamun hi hânsialaw ding ah siam in, a chung ah buaina tunsak khawlaw in lau.

1 KHANGTHU 2:7

Karmi chapa chu, thil thiangtho chung ah a la sukkhial ziak ah Israelte subuaipa Akhar chu a la hi tai.

DAN LEKHABU 17:5

zia gual ah thil ki’dak um bawlpa a hem, bawlnu a hem chu la khawpiu kêlkot paw lam ah kaidok in, ziapa a hem, zia nu a hem chu suang in la se’lup ding uh ahi.

THIAMPUTE LEKHABU 24:14

“Hânsia ei lawkhumpa chu giamun pawlam ah puidok unla; a thu hetpi zosia chun a luchung in a khut uh nga chiat uh hen la, mipite chun ama chu suang in seplum uh hen.

THIAMPUTE LEKHABU 20:2

Israelte kiang in zia gual hin la gen ding ahi, a ti’n: Israelte lak a hem, a lak ua gam dang mi chêngden a hem in, Molekh ho’na ding ah ama suante lak ah mi pia taphot chu tha ngei ngei ding ahi; a gam ah mipite’n suang in a se’lup ding uh ahi.

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

2 THESSALONITE 1:6

Nangmau hun sugentheite gim umna ah thukkit chu, Pathian in dik in a ngai ahi.

GALATIA 5:12

Nang uh hun subuaite hi paithâk hingal ngal leu ka nuam ahi.

JOSHUA 7:15

Chun, kuale thil thianglo a la kilâk pen pen chun, Lalpa thuthung bawtsia’n, Israelte lak ah thil gilo leh ngolhuai tak a la bawl tâk ziakin, a nei zosia pum ah mei ah hâltum ding ahi,’ ti la gen ding ahi,” a tia.

DAN LEKHABU 21:21

Ziaphat chuleh, khua sung ah mipi zosia chun suang in a sep lum ding uh ahi. Zia gual chun, la lak ua thil phalo chu la hi’thiang kawm kawm ding uh ahi; chutileh, Israel mipi zosia’n he’n tiu in, lau ta’n au.

DAN LEKHABU 13:10

Aigupta gam ah suak hi’na In ah kipat hun puidokpa, Lalpa la Pathian ua kipat nanghaw hun pui mang gua taphot chu suang in seplum ziang un.

THIAMPUTE LEKHABU 21:9

Thiampute chanu’n nawchi a zok chun a pa le a hi’buak ngâl ahi; ama chu mei ah hâl lup ding ahi.

THIAMPUTE LEKHABU 20:14

Kua’nle nuchân ji’n nei kop ta leu, zia chu tatlêkna ahi. A pawsal chu numei teni chu tawh mei ah hâllup ding a hiu; la lak ua tatlêkna a umlo’na dingin.

THILSIAM THU 38:24

Tha thum zaw vêl ah chun mite chun Judah kiang in, “La monu Tamar in nawchi a zuak hen, zia bep chule hilo in jaucha a pâi tai,” ti a hil tau ah. Judah chun, “Hun puidok un, hâl lup ding ahi chu,” a ti’n.

THILSIAM THU 34:30

Jakob in Simeon tawh Levi kiang in, “Nang un zia gam ah chêng, Kanaan mite tawh, Periz mite huat ah ei umsak in, lei hi’lunggim ma mau hi. Ka mite hi tawmcha bep ahi ngal un; ei do dingin hung pung khawm taleu, ei that gam ziang ding ahi ngal un: kei leh ka Inkuante sukmanthai in um mai ding ka hi’ngal un,” ti’n a gen a.

1 SAMUEL 14:29

Jonathan in, “Ka pa hin gam a subuai ngei; en tau chu khuaizu neucha ka vak nêk leh ka mit hâ nuam deu mai ei ve.

DAN LEKHABU 13:11

Ziaphat chuleh, Israelte zosia’n hun he’n tin uh, lau ta’n au; tichun, zia gual thil phalo chu kuama’n bawl kit ta pua’n au.

THUPILTE 1:19

Thagum hât ah lawkna hawlte chu, zia gual chu a hisek mawng ui; a neitu’ a pan vang ua leh, a thi khawlaw sek ui.

THUPILTE 15:27

Lam diklo tak ah lawkna hawl ah du-âmte chun, a In sung â ding ah buaina a kisiam in; golgûkna dawilote chu vang hing in au.