JOSHUA 6:17 - PATHIAN LEKHABU THIANGTHO (BSI)

¹⁷ Khawpi leh a sung ah thil um zosia hi Lalpa â ding ah piakdaw thian ah, hisiat dim dem ding ahi. Rahab nawchizuaknu leh a In ah umte cheng bep hawi ding a hiu, ama’n I mi sawlteu kha a la sêlguk ziakin.

JOSHUA 6:17 Referans Kwoze

DAN LEKHABU 20:17

Lalpa la Pathian un thu a hun piak gual in, Hit mite, Amor mite, Kanaan mite, Periz mite, Hiv mite leh Jebus mite hivang la thagam ding uh ahi;

JAKOB 2:25

Zia gual ma chun, nawchizuaknu Rahab khan le, enthate a la lop in, lam chuam ah a la chiasak lai khan, a thilbawl ziak ah thiamchang hilo a hem?

MIKAH 4:13

Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.

HEBRAITE 11:31

Ginna’n nawchizuaknu Rahab khan enthate kha thamuang tak ah a tunsak ziakin, a ginglote manthaina khan a mangthai khawm ta puai.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

GALATIA 3:12

Himaleh, dan chu ginna ah kinga ahi puai; a le’lam ah chun, “Dan gual ah hi’pa chu ziate ah chun hing in a,” ti ahi zawi.

GALATIA 3:10

Dan thil hi’ ah kinga tapote chu dan hânsia nuai in a um ngal un; “Dan lekhabu thu kizik zosia gual ah bawl zing lo tapo chu hânsia dawl in um uh hen,” ti zik ahi ngal a.

1 KORINTH 2:7

Himaleh, Pathian pilna chu thugûk, pilna kisêlgu gual in ka gen un, zia chu Pathian in khawvel um ma ah I lopina ding ua a la namdet tâk chu ahi.

MATTHAI 25:40

Lengpa chun a kiang un, titakzet in ka hil la hiu, zia ka unaute lak ah a neupen chung ah la hiu kha le, keima chung ah hi’ la hiu, hun ti ta’n a.

THILSIAM THU 12:3

kuale nang hun maljawl tapo chu maljawl ing ka tin; hânsia hun law tapo chu hânsia law ing ka: nangma ah namtin maljawl in hung um in au,” a tia.

1 KORINTH 16:22

Lalpa hepi lo taphot chun, hânsia dong uh hen. I Lalpau chu, a hung hi! Maranatha!

EZEKIEL 39:17

Nang, mihing in vang Lalpa Pathian in zia gual hin a gen hi: Vacha chitin leh gamsa chitinte kiang in, “Hung khawm unla, nanghaw â ding ah luaithena ka bawl ûm dingin kil tin ah kipat hung un, Israel tânggam ah luaithe’na thupi tak ka bawl piak hi, zia tak ah chun a sa ne’n, a thisan hung dawn tau in.

JEREMIAH 46:10

Zia ni chu Lalpa Sepai honte Pathian ni guat chu ahi, phuba lâk ni ahi’n, a mêlmate a soisak ni chu ahi. A chemjam in that gam intin, a du-khop tak in a thisan uh dawn ta’n a. Mal gam ah Euphrates lui pang ah, Sepai honte Lalpa Pathian in, kithoina a siam ta’ngâl a.

ISAI 34:6

Lalpa chemjam chu thisan in a dim ah, sathau in a kijut zol ah, belam leh kêl thisan, belamchal kãl ah thaute chun a kijut zawl hi. Lalpa‘n Bozrah mun ah chun, kithoina siam in, Edom gam ah chun kitha’na, huaisia tak a hung um ta’ngal a.

EZRA 10:8

“Kuale ni thum sung ah hung lo tapo chu, lengpa nasêmte leh upate thupiak dungzui in, a nei leh lam zosiau lâkpiak ah, amau chule saltâng kile’kit mipite lak ah kipat paithâk ding a hiu,” a tiu a.

1 SAMUEL 15:6

Saul in Kent mite kiang ah chun, “Amalekte lak ah kipat in hung pawtdok un, achutiloleh, amau tawh hun that khawm mai ding ka hiu; Aigupta gam ah kipat Israelte a hung pawt daw lai ua khan, a chung un la pha ngâl un,” ti’n a ko ah. Tichun, Amalekte lak ah kipat chun Kent mite chu a hung pawtdok tau a.

JOSHUA 7:1

Himaleh, Israel chate’n hânsia lawkhumsa thilte ziakin a ginnau a la susia kha tau ah: Judah phung ah mi, Zerah chapa Zabdi chapa Karmi chapa Akan in hânsia lawkhum sate lak ah kipat bang a hem jat a la kilâkdaw ta’n; tichun, Israelte chung ah Lalpa a lungna ta’i.

JOSHUA 2:22

Tichun, a pawtdok un, tâng lam ah chia to in, amau hawlte kile’kit masia, ni thum sung a vakisel tau a. Amau hawlte chun lamdung a hawl ua la a mu zo ta puau a.

JOSHUA 2:1

Ziaphatchun, Nun chapa Joshua’n, Shittim ah kipat in a gûk in mi pani a sawl ah, a kiang un, “Chia unla, a gam pha tak in vaen unla, a diak in Jeriko khawpi chu vaenchian un,” a tia. Tichun a chiau ah, nawchizuak khat, a min Rahab In ah lût in, a giak den tau a.

1 SAMUEL 15:3

Tu’hin kipan inla, Amalekte chu vado inla, a nei zosiau vasusia sik sek in; a numei a pawsal, naupang leh nausen hitaleh, a bawngchalteu, a belamteu, a sangawngsauteu leh a sabiltungteu natiang uh hawi neilo in that gam in, a ti ahi,” ti’n a gen a.

THIAMPUTE LEKHABU 27:21

Ahi’n, jubili kum a gâlkâi kit leh, lou chu Lalpa â ding ah lou thiangtho hita’n tin, thiampute chan ding hita’n a.