JOSHUA 5:14 - PATHIAN LEKHABU THIANGTHO (BSI)

¹⁴ Ama chun, “Kuama lam ah ka pang puai; ahi’n, Lalpa sepaite lamkai ding ah hung ka hi,” ti’n a hun dawnhu ta’n. Tichun, Joshua’n a mai ah lei tual si’n bokkhup in, chibai a bûk ah, a kiang in, “He pu, la suakpa hin bang bawl leng lei ti em?” ti’n a dong a.

JOSHUA 5:14 Referans Kwoze

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

THILSIAM THU 17:3

Abram in a mai ah lei si hial in a bokkhup ah, ziaphatchun, Pathian in a kiang in thu a gen a:

LUKA 20:42

Pâkna Labu ah chun, ama David ngei chun: ‘Lalpa chun ka Lalpa kiang in: Ka changlam ah hin kichu’n,

DANIAL 12:1

Ziaphat chuleh, Mikael, lal thupi tak leh, la mite hukdokpa chu hung kipan ta’n a. Khawvel ah mihing a um lim ah kipat tung kha nailo, buaina hung tung in a. Himaleh, lekhabu ah min kizik a mu taphot uh, la mite zosia chu hukdaw in um ta’n au.

DANIAL 10:13

Himaleh, Persia lenggam chapa chun ni sawmni leh khat zet ei dâl hi. Tichun, hotulian Mikael ei panpi dingin a hung ah, ama tawh Persia lenggam chapa chu nusia in,

THUPUAN 12:7

Ziaphatchun, van ah kidona a um ta’n; Mikael leh a van sepaite chun dragon chu a do un; dragon chunle vansawlchâkte chu a do un;

JOHAN 20:28

Thoma chun, “Ka Lalpa leh ka Pathian!” a tia.

MATTHAI 22:44

Lalpa chun ka Lalpa kiang ah chun, La mêlmate la keng nuai ah ka koi masia, ka changlam in kichu’n? a ti kha.

MATTHAI 8:2

a kiang in phâk pakhat a hung a, bokkhup in, “Lalpa, la nop chun lei hithiangtho thei hi,” a tia.

DANIAL 10:21

Himaleh, thutak zikna lekhabu ah kizik chu hun hil ing ka. La lal uh Mikael tilo ngal, zia lengte ei dopi ding kuama a um puau hi,” ti’n a hun gen tai.

ISAI 6:8

Ziaphatchun, Lalpa aw chu ka hun he ta’n: “Kua a hem ka sawl ding? Kua a hem kei uh â ding ah kuan ding?” a hun ti’n. Keima’n, “Zia hin ka um hilam, ei sawl in!” ti’n ka dawnhu a.

KISIMNA LEKHABU 16:45

“Zia mipite hi mitphet kâl sung bep ah ka hi’mangthai theina dingin a lak ua kipat hung pawt mang un,” a hun tia. Chun, a mai ua lei tual si’n a bokkhup tau a.

HEBRAITE 2:10

Ama ah thil bangkim um leh, thil bangkim ama ah umpa â ding ah chun, cha tam tak lopina a puilût ah, hukdamna mapuipa kha thoknate ziak ah a siam bukim chu a kilawm him ahi.

PHILIPPI 3:8

Ahi takzet hi, ka Lalpa Khrista Jesu hetna lopi diak ziak ah chun, zia thilte zosia chu ki’dak buaksia gual in chânna in ka guat ta, Khrista ka mutheina dingin.

NASEPTE 9:6

Tho inla, khawpi sung ah lût in, la sep ding a la gen in au,” ti’n a hun dawnhu a.

LUKA 1:43

Ka Lalpa nu ka kiang ah la hung ziang hi bangtidan a hem?

SAM 110:1

Lalpa‘n ka Lalpa kiang ah chun: “La mêlmate la keng ngakna ding ah, ka hun bawl piak masia, ka changlam hin kichu zing in,” a ti’n.

THIAMPUTE LEKHABU 9:24

Lalpa ma ah kipat in meikuang a hung pawtdok ah, mâichâm chung ah hâlmang thillat leh sathaute chu a hun kângtum ta’n; zia chu mipi zosia’n a mu un a kiko ua, a mai ua leisi’n, a khupbok khep khup ziang tau hi.

PAWTDAWNA THU 4:10

Himaleh, Mosi chun Lalpa kiang in, “Aw ka Lalpa, la suak kiang ah bangma la gen masang inle dan gual lo leh la gen nung ah hinle, kei chu thu genthei lo leh dangawk ka hi,” a tia.

THILSIAM THU 17:17

Ziaphatchun, Abraham chu a bokkhup ah, a nui ta’n; a lungthim in, “Kum za khat mi hin cha nei ding a dia aw! Sarah le kum sawmkua a tin nung ah hin cha nei ding ahi dia aw!” a ti’n.

LUKA 5:12

Jesu chu khua pakhat ah a um lai in, phâk in a pum ah a tuam mi pakhat a um a. Ama chun Jesu a mu phât in leitual si’n a bokkhup ah, “Lalpa la doi chun lei hithiangtho thei hi,” ti’n a la don a.

KISIMNA LEKHABU 16:22

Ziaphatchun, a maichang ua leitual si hial ah bokkhup ah pauchap in: “Aw Pathian, taksaphe leh vo nei zosiate hinna Pathian, mi pakhat gitlona ziakin mipi zosia chung ah lungna ziang ding la hi em?” a tiu a.

PAWTDAWNA THU 4:13

Himaleh, ama chun, “Aw Ka Lalpa, lungsiat in mi dang sawl zaw mai in,” a tia.

SAM 24:10

Zia lopina Lal chu kua a hem? Sepai honte Lalpa chu, lopina Lal ahi.

KISIMNA LEKHABU 22:31

Ziaphatchun, Lalpa chun Balaam mitte chu a hun hi’vâk piak ah, a âng ah Lalpa vansawlchâk, a khut ah chemjam lâm ah lamlian ah ding lai chu a hun mu ta’n; ziaphatchun, a mâi ah leisi’n a bokkhup tai.

JOSHUA 20:1

Ziaphatchun, Lalpa‘n Joshua a hun ho ah,

2 SAMUEL 7:19

Aw Lalpa Pathian, ziate hi vang nangma mit mu in thil neucha ahi; la suak Insung thu ding, hun sawt tak nung tiang ding lei gen piak nalai a. Aw Lalpa Pathian, zia thute hi mipite kiziltilna hung hita hen!

2 SAMUEL 7:20

Aleh, la kiang ah David in bang dang genbe thei nalai ding ahi em? Aw Lalpa Pathian, nang in la suakpa hi la hechian ngal a!

EZEKIEL 3:23

Tichun, ka kipan ah, phâijawl ah chun ka chia ta’n; chuleh, Khebar lui pang ah a lopina ka la mu gual khan Lalpa lopina, zia tak ah chun a la ding ta’n; tichun, ka mai ah lei tual si’n ka bokkhup tai.

DANIAL 8:11

Van ah um pawlte hotupa chung natiang in kisathei tak in a um a; nisi’n hâlmang thillat chu a lâkpiak ah, a mun thiangtho chule a paithâk piak tai.