JOSHUA 24:6 - PATHIAN LEKHABU THIANGTHO (BSI)

⁶ La pu leh pateu Aigupta gam ah kipat ka la pui daw lai ah khan, Tuisuagiat la hung tung un; la pu leh pateu chu Aigupta mite’n a sakol leh a kângtalaiteu mang in Tuipi San tiang in a hun del zui tau a.

JOSHUA 24:6 Referans Kwoze

HEBRAITE 11:29

Ginna’n Tuipi San kha mualkâng, lei hul ah chia gual in a gâl kâi un, Aigupta mite’n le zia gual ah chun chia a guau ah, himaleh, a tum mang zo tau hi.

NASEPTE 7:36

Ama chun Aigupta gam ah kipat, Tuipi San ah te leh kum sawmli gamthip ah a châm sung ua chun, thilmakte leh tepte’nate etsak pek in, a puidok a.

MIKAH 6:4

Aigupta gam ah kipat in ka hun puidok la hi’ngal un, suak la hi’nau ah kipat ka hun tatdok la hiu; a hun pui dingin, Mosi, Aron leh Miriam ka hun sawl ta kha.

SAM 78:13

Tuisuagiat khên tan in a chia thensak ta’n; tuite chu bangkhat sia khawm gual in a dinsak hi.

NEHEMIAH 9:11

Chuleh, lei hul ah a gâl kâi theina ding un, a ma-âng un Tuipi San chu la la khên tan a; himaleh, amau delzuite chu suangtum, tuili lai ah kikhelut gual in, tuili sung in la sep lut tai.

PAWTDAWNA THU 12:51

Zia nikhua ma ma chun Lalpa chun Aigupta gam ah kipat in Israelte chu a hon hon in a hun puidok ta ahi.

PAWTDAWNA THU 12:37

Israelte chu Rameses ah kipat in Sukkoth a zuan ua; a mau chu naupang sim lo in, ama keng ah chia thei ngen chu mihing nuai guk vêl a hiu a.