JOSHUA 23:3 - PATHIAN LEKHABU THIANGTHO (BSI)

³ Lalpa la Pathian un nangmau â ding ah a hun do piak dungzui in, nanghaw ziak ah Lalpa la Pathian un zia gam ah mite chung ah a bawldan zosia le la mu tau a.

JOSHUA 23:3 Referans Kwoze

PAWTDAWNA THU 14:14

Lalpa’n nang uh â dingin gâl hun do piak intin, thipbek in um hiat hiat mai un,” a tia.

JOSHUA 10:42

Zia lengte zosia leh a gam uh hi, Lalpa Israelte Pathian in Israelte a dopi ziakin, Joshua’n hun khat thu in a lak piak vek a hi.

JOSHUA 10:14

Lalpa‘n Israelte â ding ah a do piak ziakin zia gual ah mihing aw a ngaithâkna ni chu masang leh tu’ni tiang hinle a um ngai puai.

MALAKI 1:5

La mit ngei un zia chu mu’n la tiu in; tichun, “Israel gamgi pawlam tiang inle Lalpa chu a nasa na e! ti ta’n lau,” a tia.

DAN LEKHABU 20:4

gâl zaw’na hun pia ding ah la masang ua la gâlteu do ding ah kuandok, Lalpa la Pathian un a hun kitonpi zing ngâl ah,” ti in.

DAN LEKHABU 4:9

La mit ua la muteu chu hemil lo a, la dam sungsiau la lunggil ua la het zing theina ding un, chingthei tak ah kivêng in um phot un; zia thute chu la chateu, la tuteu leh la tusawnteu tiang in hil unla;

DAN LEKHABU 1:30

Lalpa la Pathian nang uh hun puipa chun, Aigupta gam ah la mitmuu ah thil a hun bawl piak gual tho ah khan, la gâlteu chu hun do piak ding ahi;

JOSHUA 23:10

Lalpa la Pathian un a la kitiamsa gual in, nanghaw â dingin gâl hun do piak ding ahi; tichun, mi pakhat in sang khat del mang ta’n lau.

EZEKIEL 20:28

A kiang ua piak ding ah ka tiamna gam ah ka pui lût phatin, tâng sâng leh thingbuk lak tincheng in kithoina leh lungnat chok tho ding thillat a lân ui.

PAWTDAWNA THU 19:4

Aigupta mite chung ah ka thilbawl dan leh mupi thâ ah ka hun puakdaw dan leh, ka kiang ah um ding ah ka hun pui dante hi la mu tau in;

DAN LEKHABU 7:17

La lungthim un, Zia mite hi keimau sâng in a tam zaw ngâl un, bangti’n suandok thei ding ka hiu em? ti’n,

DAN LEKHABU 7:24

A leng leh lalteu chu la khut un hun pedok intin, van nuai ah a min uh thaimang sik sek ta’n lau; a leng ua la hi’mangthai suak masangsiau kuama’n hun do ngam pua’n au.