JOSHUA 2:6 - PATHIAN LEKHABU THIANGTHO (BSI)

⁶ Ama chun la, zia mite chu a Inchung ah sameibawm kung a pho lak ah a sêl ahi ngâl a.

JOSHUA 2:6 Referans Kwoze

JAKOB 2:25

Zia gual ma chun, nawchizuaknu Rahab khan le, enthate a la lop in, lam chuam ah a la chiasak lai khan, a thilbawl ziak ah thiamchang hilo a hem?

HEBRAITE 11:23

Ginna’n Mosi a pian ah khan, nausen mêlpha tak ahiziak in, tha thum sung a nu leh pa’n a selguu ah, lengpa thupiakle a lau puau hi.

KOLOSSA 3:3

La thi tau ah, la hinnau chu Pathian ah chun Khrista tawh sêlgûk in a um tai.

2 SAMUEL 17:19

In neinu chun tuikul chu a sîn ah, a sit chung ah bu a pho phat in bangma ginmaw ding a um ta puai.

MATTHAI 24:17

Inchung ah umte chu a In sung ah vante la dingin kum ki’hen;

JEREMIAH 36:26

Chuleh, lengpa chun a chapa Jerahmeel leh Azriel chapa Seraiah tawh, Abdeel chapa Shelemaiah te chu, lekha zikpa Barukh tawh jawlnei Jeremiah man dingin thu a pia. Himaleh, Lalpa‘n amau teni chu a sêlgu tai.

2 LENGTE 11:2

Himaleh, Lengpa Joram chanu, Ahaziah suapinu Jehosheba chun Ahaziah chapa Joash chu a puiah, lengpa chate tha ding ah umte lakah kipat chun a la gudok ta’n; ama tawh a enkolnu chu lupna pindan pakhat in a koi tai. Zia gual ah chun Athaliah ah kipat in a sêl mang ah, tha in a um ta puai;

1 LENGTE 18:13

Jezebel in Lalpa jawlneite a tha lai ah ka thil hi, Lalpa jawlneite za khat kawlhawm khat ah sawmnga nga ka la sêl ah vaithum leh tuile ka la piak dan kha, ka lalpa kiangah hun hil nai lo khatto a hiu em?

1 LENGTE 18:4

Jezebel in Lalpa jawlneite a la thâlup lai ah khan, Obadiah in jawlnei za khat a pui ah, kawlhawm khat ah sawmnga nga’n a sêl ah, vaithum leh tui in a la vâk a.)

2 SAMUEL 11:2

Sunnung lam vaigei deu ah chun David chu a jalkhun ah kipat hung thodok in, leng In chung ah a vâk vêl vêl leh numei pakhat kisil lai a gâl mu ah; zia nu chu mi mêlpha tak ahi.

JOSHUA 2:8

Enthate ni a i-mut mau in Rahab chu Inchung lam in a hang kal to a,

DAN LEKHABU 22:8

Inthak la sak phat leh, a chung ah kipat mi a kiakthâk ah, la In sung ah thisan sua’na ziak ah thiamlo la chan lona dingin, la Inchung chu a dâi la bawl ding ahi.

PAWTDAWNA THU 2:2

numei chun nau a hun vop ah, chapa a hun nei ah; a chapa chu a mêlpha ma ma hi ti a he ta’n, tha thum sung a sêlgu tai.

JOSHUA 2:5

Chuleh, thimbut, khawpi kul kotkhak kikhak ding kuanvêl ah khan a pawtdok tau hi. Khoilam a zawt uh le ka hepuai; del kin leu chin delpha mai thei lei veu,” ti’n a dawnhu a.

JOSHUA 2:7

Khawpi ah mite chun Jordan lui palmun tiang in a vadel tau ah. A del dingte pawtdok zaw phatin khawpi kul kotkhak chu a khâk tau a.

JOSHUA 6:25

Himaleh, nawchizuaknu Rahab chu a Inkuanpite zosia tawh, a nei thil zosiau pum in Joshua’n a hawi vek a. Jeriko khawpi entha ding ah Joshua’n a mi sawlte a la sêlgûk ziakin, zia ni kipat chun Israelte Inkuan lak in a chêngden tau hi.