JOSHUA 16:2 - PATHIAN LEKHABU THIANGTHO (BSI)

² Bethel ah kipat in Luz tiang kithung in, zia kipat chun Arkhite gam ah Ataroth gam paltheng in,

JOSHUA 16:2 Referans Kwoze

JOSHUA 18:13

Zia kipat chun Luz lam zuan in simlam in a chia pek ah, Luz kenliang a paltan suk a (zia Luz chu Bethel ahi;) zia kipat chun Beth-horon Nuainung zaw simlam ah tânggam ah um Astaroth-addar tiang in a kithung suk hi.

THILSIAM THU 28:19

Chuleh, zia mun min chu Bethel a sak ah, a lim in zia khawmin chu Luz ahi.

1 KHANGTHU 27:33

Ahithophel chu lengpa lemguat piak in a pang ah; Arka mi Hushai chu lengpa gual pha ahi.

2 SAMUEL 16:16

David gualpa, Arkha mi Hushai chu Absalom kiang a hung tun phat in, Hushai in Absalom kiang ah chun, “Lengpa Damsawt hen! Lengpa Damsawt hen!” a hun tia.

2 SAMUEL 15:32

David chu tângvûm ah Pathian a ho sek nau mun chu a tun phatin, Arkha mi Hushai chu a puanâk kêk net nut leh a lujang ah leibuan net nut in a hung a.

1 KHANGTHU 7:28

A gam laknau leh luanau haw chu Bethel leh a khawpite, sualam ah Naaran leh tumlam ah Gezer leh a khawpite, Shekhem leh a khawpite, Ayyah tiang ah a khawpi um zosia tawh ahi.

2 SAMUEL 15:37

Tichun, Absalom in Jerusalem khawpi sung a hung lut tawh kituak in, David gualpa Hushai chule khawpi sung in a hung lut tai.