JOSHUA 15:11 - PATHIAN LEKHABU THIANGTHO (BSI)

¹¹ Ekron mallam tâng ah kithungto in, Shikke-ron kual khum in a kihei ah, Baa-lah tâng lam hawtheng in, Jabneel lam in a hung pawtdok ah; tichun, Tuisuagiat in a tawp tai.

JOSHUA 15:11 Referans Kwoze

2 LENGTE 1:16

a kiang in, “Lalpa‘n zia gual hin a gen hi: Ekron pathian Baal-zebub kiang ah thu dot la guat chu Pathian umlo a hita a hem? Ziaziakchun, la zotsa Jalkhun chu nusia ta pua’n la, thi ngei ngei ding la hi,” a ti tai.

2 LENGTE 1:6

Amau chun a dawnhuu ah, “Ei la lamtua dingin mi pakhat a hung ah, ka kiang un, ‘A hun sawlpa lengpa kiang in kile’kit unla, a kiang in: Lalpa‘n zia gual hin a gen hi: Israel ah Pathian a um pua a hem, Ekron pathian, Baal-zebub kiang ah thudong ding ah mi la sawl ziang hi? Ziaziakchun, la zotsa jalkhun chu nusia ta pua’n la, thi ngei ngei ding la hi,’ a tii,” a tiu a.

1 SAMUEL 7:14

Israelte khawpi, Philistinte’n a la lâkpiak uh Ekron ah kipat Gath tiang in a pe’kit tau ah; tichun, Philistinte’n a la lâkpiaknau gam zosia chu Israelte a chang kit tau hi. Chuleh, Israelte tawh Amorte kikâl inle kichamna a um tai.

1 SAMUEL 5:10

Ziaphatchun, Israelte Pathian thuthung thingkuang chu Ekron lam a tut kit tau a. Himaleh, Ekron khua Pathian thuthung thingkuang puak tung ahi phatin, Ekron khua mite chu a kikojak un, “Bang dingah kei haw leh ka mi teu that dingah Israelte Pathian thuthung thingkuang la hun puak lut uh a hem?” a tiu a.

JOSHUA 15:45

Ekron khawpi leh a khawlpelte tawh;

JOSHUA 15:9

chuleh, gamgi chu tângvûm ah kithung pek in, Nephtoah lui tuite nâk hun sun in, zia kipat chun Ephron tâng lam ah khawpite hun haw malam in, zia kipat chun Baa-lah (zia chu, Kiriath-jearim a hi’n) lam in a hung kawi ah;

JOSHUA 15:10

tichun, Baa-lah tumlam ah kipat in Seir tâng a hun kualkhum ah, Jearim tâng (zia chu, Kesalon ahi’n) mallam kenkâi lam ah chiatheng in, Beth-shemesh lam ah chia suk in, Timnah lam in a chia pek a;

JOSHUA 15:12

Chun, tumlam pang ah gamgi chu Mediteranean Tuisuagiat gei jul jul chu ahi mai hi. Zia gamgi chun Judah phung ah mite, a Inkuan dungzui chiat un a kual khum hi.

1 SAMUEL 17:52

Israel leh Judah sepaite chu kiko kawm in, Gath khua leh Ekron kotpi tiang in Philistinte chu a delzui tau ah; tichun, Shaaraim ah kipat Gath leh Ekron khua tiang in Philistin liamte chu a kizam tek tuk ziang tau a.

KISIMNA LEKHABU 34:6

La tumlam gamgi ding un Tuipi Lian luipangte chu mang in la tiu in; zia chu tumlam kâi ah la gamgi ding uh hi’n a.

VAIHAWMTE 1:18

Judah in Gaza leh a gam zosia, Ashkelon leh a gam zosia, Ekron leh a gam zosia chule a la zo tai.

1 SAMUEL 5:8

Tichun, Philistinte lak ah hotute chu kikokhawm in, “Zia Israelte Pathian thuthung thingkuang hi bang law ding I hiu em?” a kitiu a. Gath khua mite chun, “Pathian thuthung thingkuang chu kei uh kiang lam ah puai tiu,” a tiu a. Tichun, Israelte Pathian thuthung thingkuang chu Gath khua lam in a pua mang tau a.

2 KHANGTHU 26:6

Philistinte do in a kuandok ah; tichun, Gath khaw kulpi leh Jabneh khaw kulpi tawh Ashdod khaw kulpite chu a suchim dik dek ah; Ashdod bial leh Philistinte gam sung ah chun khawpite a tungdok tai.