JOSHUA 14:6 - PATHIAN LEKHABU THIANGTHO (BSI)

⁶ Ziaphatchun, Judah Inkuante chu Gilgal mun ah Joshua kiang in a vachiau ah; Keniz Inkuan ah mi, Jephuneh chapa Kaleb chun a kiang in, “Kadesh-barnea ah Pathian mi Mosi kiang ah khan Lalpa‘n keima leh nangma chung thu ding a gen kha la henai.

JOSHUA 14:6 Referans Kwoze

KISIMNA LEKHABU 14:30

Jephuneh chapa Kaleb tawh, Nun chapa Joshua tilo ngâl, a dang khat chale la chênna ding ua ka tiamna gam chu lut lo ding la hiu.

KISIMNA LEKHABU 14:24

Himaleh, ka suak Kaleb hi vang, thagau chuam nei ah, a lunggil zosia ei zui ziakin, a vaetthâkna gam ah pui tung ing ka tin, a suan leh pâkte’n zia gam chu lua in au.

KISIMNA LEKHABU 13:6

Judah phung ah kipat Jephuneh chapa Kaleb;

JOSHUA 14:14

Chutichun, Lalpa, Israelte Pathian chu a lunggil zosia a zui ziakin, tu’tiang hin Hebron khua chu Keniz mi, Jephuneh chapa Kaleb gochan a hung hiden tai.

KISIMNA LEKHABU 14:6

Chuleh, gam entha’ vachiate lak ah pang, Nun chapa Joshua tawh, Jephuneh chapa Kaleb chunle a puanâkteu a bot thêk un;

JOSHUA 15:17

Kaleb suapi, Kenaz chapa Othniel in a vazo ta’n; tichun, a chanu Akhsah chu a ji dingin a pia tai.

KISIMNA LEKHABU 32:12

Keniz mi, Jephuneh chapa Kaleb tawh, Nun chapa Joshua tilo ngâl; amaute ni bep hin a lungthim zosiau ah Lalpa a zui ziak un! ti’n

KISIMNA LEKHABU 13:26

gam entha chiate chun Kadesh mun, Paran gamthip ah chun Mosi tawh, Aron tawh, Israelte zosia kiang in thu a hun tut kit tau a; a gam ah theigate chule a etsak un.

SAM 90:1

Lalpa, nang chu suan zosia tiang ah ka umnau la hi.

2 TIMOTHI 3:17

Pathian mite zosia chu thiam tak, nasep pha chitin sêm ding ah kithuam bukimsa a hitheina ding un.

1 TIMOTHI 6:11

Ahi’n, nang Pathian mi, zia thilte chu jamsan inla, dikna, Pathian ngaisakna, ginna, hepina, thoktheina leh nunnemna chu del zaw ta’n.

2 LENGTE 8:11

Ama chun a en zing ah, zakcha hial in a ensâl ziang ta’n. Tichun, Pathian mi chu a hung kap tai.

2 LENGTE 8:7

Aram Lengpa Ben-hadad damlo lai tak in Elisha chu Damaska ah a vachia ah. A kiang in, “Pathian mi kha zia hin a hung hi,” ti a hil phat un,

2 LENGTE 4:42

Baal-shalishah ah kipat mi pakhat a hung in, thâiga masate ah kipat Pathian mi an ding a hun chawi piak a: Barli bu ah kisiam vaithum tang sawmni tawh a dip sung ah buhum kila thak haw ahi’n. Elisha chun, “Zia chu mipite kiang ah pia’n la, nêksak in,” a tia.

2 LENGTE 4:16

Ama chun, “Tu’hun gual hi a hung tun kit phat leh, chapa khat vop ding la hi,” a tia. Amanu chun a dawnhu a, “Ahipuai, ka lalpa, Aw, nang Pathian mi; la suak hi ei thêm kin,” a tia.

2 LENGTE 4:9

Amanu chun a pawsal kiang in, “En tiam in, zia lampi hun haw zing sek pa hi Pathian mi ahi ti ka hechian hi.

1 LENGTE 13:14

Pathian mi chu a delzui ah; ama chu gangpi thing nuai ah a la kichawl lai chu a va delpha tai. A kiang in, “Judai gam ah kipat hung, Pathian mi chu la hem?” a tia. Ama chunle, “Ka hi,” ti’n a dawnhu a.

1 LENGTE 13:1

Jeroboam chu mâichâm kiang ah gimtui lân ding ah a din lai tak in, Judai gam ah kipat in Pathian mi pakhat, Bethel ah Lalpa‘n a hun sawl a,

JOSHUA 10:43

Tichun, Joshua leh Israelte zosia chu Gilgal ah a giamun lam un a chia kit tau hi.

JOSHUA 4:19

Mipite chu dam tak in, tha khatna a ni sawm tin ni chun, Jordan lui a gâl kâi tau a; tichun, Jeriko sua lam ah Gilgal ah chun a giak tau hi.

DAN LEKHABU 34:10

Zia kipat chun Lalpa‘n kimâitua ah a het Mosi tawhbang jawlnei Israel gam in a um ta puai.

DAN LEKHABU 34:5

Lalpa suak Mosi chu, Lalpa thu gual tak in, Moab gam ah chun a thi tai.

DAN LEKHABU 33:1

Pathian mi matchâk Mosi in a thi masang in zia a nuai ah maljawlna gual hin Israelte chu a maljawl a:

KISIMNA LEKHABU 13:30

Ahi’nla, Kaleb in Mosi ma-âng ah chun mipite chu a thipsak ah, a kiang un, “Tu ma ma hin kuan to ngâl hitiu in, valua ziang hi tiu; a gam chu la zo ngei ngei ding I hi’ngâl un,” a tia.

KISIMNA LEKHABU 26:65

Lalpa‘n a chung thuu ah: “Gamthip ah thi malam ding ahiu,” ti ah a la gensa gual in, a lak un Jephuneh chapa Kaleb tawh, Nun chapa Joshua tilo ngâl kuama a dam a um ta puau hi.

JEREMIAH 35:4

Amau chu Lalpa In ah ka hun pui ah, Pathian mi Igdaliah chapa Hanan pindan sung, milian leh lalte kiang nai chin ah um, a huang sung vêngpa Shallum chapa Maaseiah pindan chung lam ah chun ka hun pui lût a.

1 KHANGTHU 23:14

Pathian mi Mosi chu vang, a chate chu Levi Inkuan lakah simkhawm hita’n au.