JOSHUA 13:1 - PATHIAN LEKHABU THIANGTHO (BSI)

¹ Tu’hin Joshua chu a upa ta’n, têklam a manaw tai; chuleh, Lalpa‘n a kiang in, “La upa ta’n, têk lam la manaw tai, gam lâk ding la a tam ma ma nalai ngâl a.

JOSHUA 13:1 Referans Kwoze

JOSHUA 14:10

Chun, tu’ni hin en in, Lalpa‘n Mosi kiang ah zia thu a la gen ah kipat, Israelte gamthip ah a vâkvâi sung uh kum sawmli leh nga zet hi Lalpa‘n damna ei pia nalai ah; tu’hin vang kum sawmgiat leh kum nga hial ka hung hita hi.

DAN LEKHABU 31:3

Lalpa la Pathian un hun pui gâl kâi intin; zia namte hi la ma-âng un hun hi’mangthai piak intin; nang un amau chu la suandaw ding uh ahi. Lalpa‘n a tiam dungzui in, Joshua’n hun pui gâl kâi ding ahi.

JOSHUA 24:29

Ziazaw chun, Nun chapa Joshua, Lalpa suak chu kum za leh sawmkhat ahi in a thi tai.

LUKA 1:7

Elizabeth chu chîng ahi ziakin nau a nei puau ah, amau la a têk gêl tau a.

THILSIAM THU 18:11

Tu’hin, Abraham tawh Sarah chu a têk ta ma mau ah; numei dan pangaile Sarah chung ah chun a bei ta’ngal a.

1 LENGTE 1:1

Lengpa David chu a hung têk ta’n; a kumte a tam ta; puansilte khu’khum maleu lum a sa zo diak ta pua’n.

JOSHUA 13:2

Zia gamte hi a lâk nailote chu: Philistinte gam leh Geshurte gam zosia,

KISIMNA LEKHABU 34:2

Israelte chu thu pia’n la, chuleh, a kiang un: Kanaan gam chu la lût phat uh leh (la gamgi dungzui ah Kanaan gam la luana ding uh chu,)

KISIMNA LEKHABU 34:12

zia gamgi chun Jordan lui zui suk pek in, Tuipi Thi tiang in kithung in a. Zia gamgi’n a kualkhumna gam zosia chu la gam ding uh chu hita’n a.

JOSHUA 18:3

Tichun, Joshua’n Israelte kiang ah chun, “Lalpa, la pu leh pateu Pathian in a hun piakna gam chu lua ding ah uai âi tak ah bang chan um nalai ding la hiu em?

JOSHUA 20:1

Ziaphatchun, Lalpa‘n Joshua a hun ho ah,