JOSHUA 11:21 - PATHIAN LEKHABU THIANGTHO (BSI)

²¹ Ziaphatchun, Joshua a hung ah, tânggam ah kipat leh, Hebron khua kipat leh, Debir khua kipat leh, Arah khua kipat leh Judah tâng gam zosia ah kipat leh Israel tâng gam zosia ah kipat in Anakimte chu a phiat nâm suak ta’n; Joshua chun a chênnau khawpi zosia pum in a sumangthai sik sek tai.

JOSHUA 11:21 Referans Kwoze

DAN LEKHABU 9:2

Anakim suan ah milian leh hât tak takte umna ngei chu ahi ti la hiatsau ahi ngâl ah. Amau chungchâng ah, “Anakimte kua’n do ngam ding a hem?” a ti sek uh la he ta’ngâl un.

DAN LEKHABU 1:28

Khoilam zuan I hitau em? I unauteu in, A gam ah chêngte chu ei haw sâng ah hatzaw leh sangzaw ngen a hiu ah; a khawpiteu chule a lian in van supha khop hial ah kulbâng sâng nei ngen a hiu; zia tak ah chun Anak suante chule ka hun mu malam ngei ngei ui!, a ti nalai ua,” la tiu a.

THUPUAN 6:2

Ka vak et leh, sakol kâng pakhat ka mu, a chung ah chuangpa chun thalpi pakhat a nei a; chun, lallukhuk pakhat a hun piau a; zo ding leh zo pek dingin a kuandok ta.

AMOS 2:9

Chutisapi’nle, a âng ua kipat, sidar thing gual ah sâng leh, gangpi thing gual ah detdote Amorte chu ka susia ta’n; chung lam ah a ga leh nuai lam ah a zungte ka hisiat piak hi.

JEREMIAH 9:23

Lalpa‘n zia gual hin a gen hi: Mipil chun a pilna suang ki’hen la, mi hat inle a hatna suang diak ki’hen la, mi hausa’n le a hauna chu kisuanpi diak ki’hen;

JEREMIAH 3:23

Mual leh tâng chung ah kithoi kibawlnate chu, kithepna mai mai ahi ti ka hechian tai. Israel hukdamna chu Lalpa I Pathian bep un, a um takzet hi.

VAIHAWMTE 1:20

Mosi’n a la gen gual in, Hebron chu Kaleb a pia tau ah; zia kipat chun ama’n Anak chate pathum chu a nawdok tai.

JOSHUA 10:42

Zia lengte zosia leh a gam uh hi, Lalpa Israelte Pathian in Israelte a dopi ziakin, Joshua’n hun khat thu in a lak piak vek a hi.

DAN LEKHABU 2:21

amau chu Anakte gual tho ah sâng leh lian tam tak a hiu ah. Ahi’n, Ammon mite’n a suandok ua, amau umna mun ah a chên den theina dingin Lalpa‘n a ma âng un a la hi’gam dik dek tai.

KISIMNA LEKHABU 13:33

Zia tak ah chun, Nephilim suante (Anakte chu Nephilim suante a hiu ah) chule ka vamuu ah; amau lak ah chun khaubepi gual bep in ka kilang un, amau â dingin zia gual khop ah neu ah chun ka um mai ui,” a tiu a.