JONAH 3:10 - PATHIAN LEKHABU THIANGTHO (BSI)

¹⁰ Pathian in a thil bawlteu, a lampiu phalote a kiheisan dan uh a mu phât in, a chung ua thil phalo tung ding a gensate chu bawl talo dingin a lungthim a theng tai.

JONAH 3:10 Referans Kwoze

JEREMIAH 18:8

zia namte chun a thil phalo bawl uh a haisan uh chun, a chung ua siatna tung ding ah ka la gendawsa chu juk kit ziang ding ka hi.

LUKA 15:20

Tichun, a kipan ah, a pa kiang lam a zuan tai. Ahi’n, gamla tak ah kipat in a pa’n a hun mu ta’n, a hepi ma ma ah, a del ah, a ngawng kawi in a chawp ngawi ngawi tai.

AMOS 7:6

Zia thu ah hin Lalpa‘n a lung a hun hei ta’n, “Zia hile hita pua’ng ka,” Lalpa Pathian in a hun ti tai.

LUKA 11:32

Nineveh khua mite kha le vaihawm ni tak leh tu’lai khangthakte hitawh hung ding khawm intiu in, thiamlo hun chansak in au. Amau haw chun Jonah thugen ziakin a gitlonateu a haisan tau a: En tiam un, Jonah sâng ah lopi zaw zia’ hin a um hi!

PAWTDAWNA THU 32:14

Chutichun, Lalpa’n a mipite chung ah thil phalo bawl ding a ngai tuana’ kipat chun a lung a hei tai.

AMOS 7:3

Zia thu ah hin Lalpa‘n a lung a hei ta’n, “Zia gual chu hita pua’n a,” Lalpa chun a ti tai.

JOEL 2:13

la puan uh hilo, la lungthimteu bawtkêk un, a ti nalai hi. Lalpa la Pathian lam un hung kit un, ama chu mi lungsiat thiam leh ja’ngai thiam, lungniang leh lainatna dim leh mi gawt ziang nuam lo ahi ngal a.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

1 KHANGTHU 21:15

Chuleh, Pathian in Jerusalem khua susia dingin vansawlchâk le a sawl ah; himaleh, a suksiat ding kuan in, Lalpa‘n a chung ua siatna tung ding chu ngai ngam lo in a khut a juk kit ah, a susia ding vansawlchâk kiang ah chun, “Hun ta hen! Hai ta’n,” a ti tai. Lalpa vansawlchâk chu Jebus mi Ornan buphual ah a din lai tak ahi.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

JEREMIAH 36:3

Judah Inkuante’n a chung ua thil phalo ka tunsak dingte chu a het phat ua leh, mi tin in a thil phalo bawlteu haisan ah, a thiammawnau leh a gitlona zosiau ka ngaidam theina dingin, ti in.

JEREMIAH 42:10

Zia gam ah hi la um den hiat hiat ua leh, hun tungding ing ka tin, hun suchim lo ding ka hi; hun phu ing ka tin, hun botdok lo ding ka hi; la chung ua thil phalo ka hun tunsakte haw hi, ka kisik kit ta’ngal a.

JONAH 4:11

Nineveh khua lopi tak, a sung ah mihing nuai khat leh sîng ni sâng ah tam zaw, a changlam leh a veilam uh le hekhen theilote tawh, gancha tam tak umna hi, ngaisak lo ding ka hia hem?” a hun ti tai.

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

JEREMIAH 18:7

Nam khat a hem, lenggam khat a hem chu, ka nop hun hun ah bawdaw ding, khet phel ding leh suksiat ding a hem ka la ti tâk chun,