JONAH 2:9 - PATHIAN LEKHABU THIANGTHO (BSI)

⁹ Ke’n vang, kipak thu gen kawm in, thutiam ka la bawlsa chu mualsua ing ka. Hukdamna chu Lalpa â ahi,” a ti tai.

JONAH 2:9 Referans Kwoze

SAM 3:8

Hukdawna hi Lalpa â ahi; la mite chu maljawl ta’n! (Selah)

SAM 50:14

Pathian kiang ah kipak thu genna kithoina la’n zaw’n la; la thutiam le Chungnung Penpa kiang in mualsua ta’n.

HEBRAITE 13:15

Ziaziakchun, ama ziak ah pakchat kithoina chu Pathian kiang in pia zing hitiu, zia chu ama min I puandawnau mûkte ga chu ahi.

SAM 50:23

Kuale kipak thu genna kithoina hun lân tapo in ei chawihoi sek un; lam dik zui tapote kiang in, Pathian hukdamna musak ing ka’ ” a tii.

HOSEA 14:2

Thupha chawi in hung kile’kit inla, Lalpa kiang in: “Ka mawnau zosia lamang inla, a pha taphot chu pom inla; tichun, ka mûk gateu chu thillat in hun pia ta’ng kau.

SAM 68:20

I Pathian uh hi hukhinna Pathian ahi; thi’na kipat hukhinna chu Lalpa, I Pathian uh â ahi.

ROMTE 12:1

Chutichun, suapite, Pathian jangaina ziakin, kithoina hing leh thiangtho leh, Pathian pomtâk dingin la taksau chu kilân dingin ka don la hiu, zia chu thagau lam ah la biakna dan ding him uh ahi ngal a.

ISAI 45:17

Israelte chu kumtuang hukdamna’n, Lalpa chun a hukdam tai; kumkhua’n mualpho’na leh, buaina’n tâkbuak ta pua’n au.

THUPUAN 7:10

Ziate chun aw ngai tak in, “Hukdamna chu I Pathian uh lalchutpha kichu leh, Belamno â ahi!” ti’n a kiko ua.

JOHAN 4:22

Nang un la hetlopiu la ho sek un; kei un vang ka biak uh chu ka hiau ahi; Judate lak ah kipat hukdamna chu hung pawt ding ahi ngal a.

JEREMIAH 33:11

kipak limna aw gi leh, mopa aw leh monu aw leh, Lalpa In ah kipakna thilpiak lân ah Lâ sate chun: “Sepai honte Lalpa kiang ah kipak thu gen un, Lalpa chu a phatna ziak leh, a ngilneina’n kumtuang a dai ngâl a!” a ti’nau husate chu het in hung um kit ding ahi. Malai gual ah khan a vangphatnau chu, hun pia kit ding ka hi, Lalpa‘n a tii.

JOB LEKHABU 22:27

A kiang ah pauchap in la tin, ama’n hun ngaitha ding ahi; chuleh, la thutiamte chu mualsua ta’n la.

THILSIAM THU 35:3

Kipan hitiu in, Bethel ah chia to hitiu; tichun, ka lungjin lai ah ei dawnhu ah, ka chiana lam zosia ei kitonpi zing, Pathian â ding ah mâichâm ka bawltheina dingin,” ti’n a gen a.

NASEPTE 4:12

Midang kuama kiang in hukdamna a um puai, van nuai mihing minsak lak ah ei hukdam thei ding min dang piak in a um pawngal a,” a ti’n.

SAM 107:22

Amau chun kipakna thil latte chu piau hen la, a thil bawlte chu kipakna La sa kawm in gen vêl tau hen.

2 SAMUEL 15:7

Kum li zaw ah chun Absalom in lengpa kiang in, “Lungsiat tak in Hebron khua Lalpa kiang ah ka la kitiamna ka vasukpitin theina dingin ei chiasak in.

DAN LEKHABU 23:18

Numei nawchi man leh pawsal kizokna mante chu, Lalpa la Pathian kiang ah kitiamna ding ah la piak lo ding uh ahi; zia chu Lalpa la Pathian un a ki’dak lam tak ahi ngâl a.

SAM 27:1

Lalpa chu ka vâk leh ei hukhingpa ahi’n; kua a hem ka lau ding? Lalpa chu ka bitna kulpi ahi; kua a hem ka lau ding?

SAM 95:2

Kipak thu gen kawm in a ma ah chun, chia khawm hitiu in; ama chawihoi ah pâkna La sa’n, lim tak in aw sua hitiu!

1 SAMUEL 12:21

thil mantheilo, phatchuamna bei leh nanghaw hun hukdok theilote hi, a phatchuamna bei ahiziak in zui kiu in.