JONAH 2:7 - PATHIAN LEKHABU THIANGTHO (BSI)

⁷ Ka hinna ka sung ah a basap lai in, Lalpa chu ka hezing ah; tichun, ka pauchapna chu, la tempul thiangtho ah la kiang, a hung tung to tai.

JONAH 2:7 Referans Kwoze

SAM 18:6

Ka lungjin in Lalpa ka ko ah: ei panpi dingin ka Pathian ka ko hi. A tempul ah kipat in ei la ngaitha’n, ka kona aw a he tai.

2 KHANGTHU 30:27

Ziaphatchun, thiampute tawh, Levi chite chu a dingdok un mipite chu a maljawl tau ah, a kipaknau husa chu Lalpa het in a um tai; a pauchapnau chun a chênna thiangtho van a thawng tai.

SAM 143:5

Nidang lai hunte kha ka hezing ah, la thilbawl zosia ka ngaitua in, la khut nasepte ka sût sek hi.

SAM 11:4

Lalpa chu a tempul thiangtho in a um a, Lalpa lalchutpha chu van ah a um hi. Mihing chate a mit in a entha zing in, a patep zing hi.

1 SAMUEL 30:6

Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.

SAM 27:13

Ka hin sung in hinna gam ah, Lalpa phatna mu ding ka kinem hi.

SAM 20:7

Khenkhat in kângtalaite a suang un, khenkhat in sakolte a suang un, ei hawn vang I kisuanpiu chu, Lalpa I Pathian min uh ahi.

SAM 65:4

La biak In huang sung tual lai ah, um ding ah la têlchuam leh, la ngaisakte chu mi hampha a hiu. La In, la tempul thiangtho phatna ziak ah, hitai in um ing kau.

HEBRAITE 12:3

Lungthim lam ah la tha chawl ua, la basaplona ding un, migilote nialkãlna thuak ham hampa kha ngaitua tiam un.

HABAKKUK 2:20

Lalpa chu a ahileh tempul thiangtho in a um hi, lei chung ah mi zosia a âng ah thip chil chel tau hen!

MIKAH 1:2

Nang uh chitinte leh lei lung leh, a sung ah um zosiate haw, ngai un; Lalpa chu a biak In thiangtho ah kipat in a hung pawt in, Lalpa Pathian chu nang uh kãl ah hiatpitu hita hen.

JONAH 2:4

‘La mit mu ah paidaw ka hita’n, la tempul thiangtho chu bang ti’n, hun mu kit thei ding ka hi tam?’ ka ti’n.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

SAM 43:5

Aw ka hinna, bang ding ah lungkia, ka sung ah bî theilo la hem? Pathian ah kinem ta’n la, ama ei panpipa leh ka Pathian chu, pakcha kit ding ka hi’ngal a.

SAM 42:11

Aw ka hinna, bang ding ah lungkia, ka sung ah hi bî theilo la hem? Pathian ah kinem ta’n la: ama ei panpipa leh ka Pathian chu, pakcha kit ding ka hi.

SAM 42:5

Aw ka hinna, bang a tia bok zing la hem? Bang ding ah ka sung ah um thim theilo la hem? Pathian ah kinem in; ei panpipa leh ka Pathian chu, pâkcha kit ding ka hi’ngal a.

SAM 22:14

Tui gual ah butthâk in ka um in, ka gu zosia le a kilawng zo tai; ka thinlung le khuailu gual in, ka awp sung hin a tui zo tai.

SAM 142:3

Ka thagau ka sung ah a basap lai in, nang in ka lampi la hezing a. Ka chiana lampi ah chun, ka awkna ding thâng a kam guu a.

ISAI 38:17

Zia gual ah haksatna ka tuak chu, kei â dingin thil pha ahi ngei hi. Ka gitlona zosia la nung lam ah la pai mang tâk ziakin, siatna khûk ah lut lo dingin, ka hinna la nungkai kit tai.