JONAH 2:2 - PATHIAN LEKHABU THIANGTHO (BSI)

² “Ka lungdonna tawp khawk in Lalpa chu ka ko ah, ama’n ei hun dawnhu tai; Sheol gilpi sung ah kipat in ka hun ko a, nang in ka aw la he tai.

JONAH 2:2 Referans Kwoze

SAM 120:1

Ka lungjin lai in Lalpa ka ko ah, ama’n ei dawnhu theina dingin:

SAM 34:6

Zia migenthei hi a kiko ah, zia chu Lalpa‘n a hia’n, a lungdonna zosia lak ah kipat in a hukdok tai.

SAM 86:13

Ka chung ah la ngilneina a nasat ziakin, ka hinna Sheol khûkthim pen ah, kipat in la hukhing tai.

HEBRAITE 5:7

Ama chun taksa a um lai khan thina kipat hukdok theipa kiang in, nasa tak ah kiko leh mitthi pum in pauchapna leh ni’na a lân ah, Pathian ki’châk dan a het ziakin ngaithâk in a um hi.

1 SAMUEL 30:6

Mipite chu a ji leh chateu ziak ah a lungthim uh a nat ma ma ziakin, David chu suang ah se’lup a guat ziang phat un, David â dingin lauthawn um tak ahi tai. Himaleh, David chu Lalpa a Pathian ah chun ama leh ama a hung kisuhat tai.

MATTHAI 12:40

Jonah chu ngapi gilpi sung ah ni thum leh jan thum a um gual khan, Mihing Chapa le lei nuai in ni thum leh jan thum um in a.

SAM 116:3

Thi’na khauhualte chun ei zem ah, Sheol gûte chun ei zo ta’n; lungkhamna leh beidonna ka tuak hi.

SAM 22:24

Ama’n genthei thuakte chu a mu tawm puan, a ki’dak diak puai; a mai ei sêlgûksan diak pua’n, ama ka ko tak leh ei ngaitha sek ngal a.

SAM 4:1

Aw, ka dikna Pathian, ka hun ko phat leh ei dawnhu in! Ka lungdon phat cheng leh lei panpi sek ngal a. Ka chung ah ja’ngai inla, ka pauchapna ngaitha’n.

LUKA 22:44

A lunggim ma ma ziakin, titak zaw diak in a pauchap kit a; tichun, a khawsa-ul chu thisan tang lian tak vatha gual in leitual in a vatha tai.

ISAI 14:9

Nuai lam ah Sheol chule, nang hung chu a la dawn dingin a kichokphûl in; mithisate chu nang dawn dingin a chokphûl in, lei ah vaihawmte thagau a hiu; namtin lengte chu a lal chutphau ah kipat in, a kai ding sau sau ui.

SAM 65:2

Aw, pauchapna ngaithapa! La kiang ah mi zosia hung tau hen.

SAM 61:2

Ka lungthim a basap lai in, kawlmong ah kipat in ka hun ko la hi. Suangpi kei sâng ah sângzaw chung in ei pui inla;

SAM 16:10

Ka thagau hi Sheol kiang ah pedok pua’n la tin, la mi ginum hile lei kawkhûk ah lutsak diak pua’n la.

NASEPTE 2:27

Ka thagau chu mithi khua’n nusia pua’n la tin, la mithiangtho chu a muatmang dingle phal diak pua’n la.

1 SAMUEL 1:16

La suak hi numei chavai gual in ei ngai him him kin; ka lungthimah dimlêt, ka lunggimna leh ka buaina gendok ka hizaw hilam,” ti’n a dawnhu a.

KÂ LATE 3:55

Aw Lalpa, kawkhûk thûk tak ah, kipat in la min ka hun ko hi;

EZEKIEL 26:20

tuan ah tâng ah a la chiasate zotna, Mithi khua lam ah ka hun sot lût phat leh, tuan ah tâng ah mithi khua a la chêngsate lak in, nuaimi lam ah chêng ding la hitâk ziakin, mihingte chênna khawvel ah hin mun nei ta pua’n la tin, a lak unle chêng ta pua’n la.

EZEKIEL 31:14

Tu’kipat thingkung dang zosia, bang gual ah tui in a chapno hiziang leh le, zia gual ah chu sâng ah, a jik in vansûm dawtpha hial ah sâng a um kit tâklo’na ding ahi. A leng un nuaimi gam ah um dingin, thi’na kiang ah piakdaw ahi ta’ngal un; mihing zosia tawh a leng un, mithi khua’n a kiton lut tau hi.

2 KHANGTHU 33:12

Lungngaina huaisia tak a tuak phatin, a pu leh pate Pathian, Lalpa kiang ah kingainiam tak in a doisakna a don tai.

LUKA 11:10

A don tapo in a mu sek un; a hawl tapo in a mu sek ui; kotkhak kiu tapo chu hon piak hiding a hiu.