JONAH 1:14 - PATHIAN LEKHABU THIANGTHO (BSI)

¹⁴ Ziaphatchun, Lalpa kiang in a kikodok tau a: “Aw Lalpa, lungsiat tak in zia mipa ziak hin keihaw ei sumangthai lo ding in ka hun ni ui. Midik thisan maw ka chung un nga kin; aw Lalpa, nang in, la nawp dan dan in la bawl ngal a,” a tiu a.

JONAH 1:14 Referans Kwoze

SAM 115:3

Ka Pathian uh chu vante ah khin a um in; a nop dan dan in bangkim a bawl sek hi.

SAM 135:6

Lalpa‘n a nop tapo a bawl sek, van ah hihen la, lei chung hitaleh; tuisuagiat leh tuili thûk tak zosia inle.

DAN LEKHABU 21:8

Aw Lalpa, la tat daw la mipi Israelte chung ah ja’ngai in; la mi Israelte lak ah mawna bei thisan sua’na ziakin thiamlo chansak kin,” tiu hen. Tichun, zia thisan sua’na ziak ah ngawna chun thiang thei ta’n au.

EPHESA 1:11

Ama doidan leh lemguat dan ah thil zosia sêm in, a tup gual ah a guatlawkna chu, ama golua I hi’na ding uh ahi.

SAM 107:28

Ziaphatchun, a buainau ah kipat in Lalpa a hun ko un, a lungjinnau zosia lak ah kipat in a hukdok ta’n;

MATTHAI 11:26

Ahi, he Pa, zia chu nang in la thu leh la dawi gual ah la bawl chu ahi,” a tia.

JONAH 1:16

Ziaphatchun, mite chun Lalpa a lau zaw diak tau a; tichun, Lalpa kiang in kithoina a lân ua, thutiamte a bawl tau hi.

JONAH 1:5

Longpute a lau tau ah, mi tin in a pathian uh a ko chiat tau a. A long uh sukjangkhaina dingin, a sung ah vante chu tuisuagiat in a paitha tau a. Zia hun ah chun Jonah chu long sunggil lam pek ah lut in, i-mut tui tak in a la ipmu tai.

EPHESA 1:9

Khrista ah a thiltup, a doilam dungzui ah a lunggil thugûk chu ei hiatsak ta ahi.

NASEPTE 28:4

Zia gam ah mite chun a khut ah gûl kikhâi chu a mu phât un, “Zia pa hi tualthat hi ngei ngei in ah; tuisuagiat ah kipat suakcha leh le, phuba lapa chun a hin ding a phal ma ma lo hi’n a,” a tiu a.

ISAI 26:16

Aw Lalpa, lungdonni’n a hun hawl un, la thununna a chung ua a tun phat leh, la kiang ah pauchapna a sungtha sek ui.

THILSIAM THU 9:6

Kuale mihing thisan suatu chu, mihing ma ma in ama thisanle hun sua in a; Pathian kibatpi ah mihing siam ahi ngal a.

JONAH 1:13

Se’pho lam ah kile’kit ding gua’n, nasa tak in long chu a jap tei tei nalai ua; himaleh, tuisuagiat kinawk chu a ti lo dan dan un a huaisiat deu deu tâk ziakin, a jap zo ta puau hi.

JONAH 3:8

Mihingte leh ganchate’n saidip puan sil uh hen la, aw ngai tak in Pathian ko chiat tau hen. Mitin in a thil phalo bawl uh haisan in, a khut ua thagum sua’na chu haisan chiat tau hen.