JOHAN 9:39 - PATHIAN LEKHABU THIANGTHO (BSI)

³⁹ Jesu’n a kiang in, “Zia khawvel ah hin vaihawm ding ah hung ka hi, mitthûmte chun mitvakna a neina ding uh leh, mitvâkte chu a mit uh a thûmna dingin,” a tia.

JOHAN 9:39 Referans Kwoze

JOHAN 3:19

Zia hi thiamlo channa chu ahi, vâk chu khawvel in a hung a; himaleh, mite’n vâk sâng in thim a dawi zawu hi, a thil hi’teu a phatlo ziakin.

JOHAN 12:46

Kei khawvel salvâk ding ah hung ka hi, kuale ei ging chu thim lak ah a um zing lona ding un.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

JOHAN 8:12

Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

1 JOHAN 2:11

Himaleh, kuale gingtu dang hua vang chu thim ah um in, thim ah khawsa’n, thim in a mit a sukthûm ziakin a chiana dingle a hepuai.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

LUKA 1:79

thim lak leh thina lim nuai ah a la chute, salvâk ding leh thamuanna lampi lam ah, I kengteu pui dingin,” a tia.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

EPHESA 5:14

mu thei ah hung um zosia chu vâk ah mi ahi ngal in. Ziaziakchun, “Nang ipmu hak inla, mithi lak ah kipat hung tho ta’n, chutileh, Khrista chun vakna hun pia’n a,” a la tii.

2 KORINTH 2:16

Lawi khat â dingin thina lak ah thi’na ding gimtui ka hiu ah, lawi khatte â dingin hinna lak ah hinna gimtui ka hiu.

JOHAN 9:25

Ama chun a kiang un, “Ama chu migilo ahileh hilo ka hepuai, thil pakhat ka hia’i, masang khan mitthûm ka hi’n, tu’hin vang ka muthei tai,” a tia.

JOHAN 8:15

Nang hawn mihing dan bep in thu la tan sek un, keima’n vang kuama thu ka tan puai.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

LUKA 13:30

A nunung pente le a masa pen ah um ding a um un, a masa pente le a nunung pen ah um ding a um ui,” a tia.

LUKA 7:21

Zia lai tak chun, mi hivei chuam chuam nei leh, natna chuam chuam ah damlote chu a la hidam ah, thitha buakte a la nawdok ah, mitthûm tam takte le a mit uh a la hi’vâk piak a.

LUKA 2:34

Simeon chun mal a jawl ah, a nu Mari kiang in, “Zia nausen hi Israelte lak ah mi tam takte pûkna ding leh, dindawna ding ah kiguat ahi; ama a gensiat ding uh tepte’na leh,

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 6:23

la mit a siat leh vang la taksa a pum in a thim zo hi. La sung ah vâk chu thim hitaleh, thim chu nasa na’n ah e!

ISAI 44:18

Amau chun bangma a hepuau ah, hettheina le a nei puau hi; khua a mu theilona ding un a mit uh a sîng un; a het theilona ding un a lungthim uh chule hithim piak a hiu.

ISAI 6:9

Ama’n ka kiang in, “Chia inla, zia mipite kiang ah hin zia gual hin vagen in, ei ti’n: ‘Ngai zing unla, hechian kiu in; en zing unla, muchian kiu in.

2 THESSALONITE 2:10

mangthai zingte â ding ah dawha gilo chitin tawh hi’n a; hukdam ah a umtheina ding ua thutak hepina chu a pom lo ziak un.

ISAI 29:10

Lalpa‘n i-mut thûtna thagau la chung un, a hun buntha ta’n, nang uh jawlneite, la mit uh a hun tuam piak tai; nang uh mulawk theite, la luchang uh a tuam piak tai.

EZEKIEL 12:2

Mihing, thunung lo Inkuante, mit nei ngal ah muthei lo leh, bil nei ngal ah hetheilote lak ah chêng la hi;

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.

JOHAN 12:31

Tu’ ma ma hin zia khawvel hin vai a hawm hi; tu’hin zia khawvel vaihawmpa hi paidaw ah um ding ahi tai.