JOHAN 9:34 - PATHIAN LEKHABU THIANGTHO (BSI)

³⁴ Amau chun a kiang in, “Nang la pumchang ah gilo ah piang hin kei uh ei hil gua la hi maw?” a tiu a; tichun, ama chu a nawdok tau hi.

JOHAN 9:34 Referans Kwoze

JOHAN 9:22

A nu leh pa chun Judate chu a lau ziak uh ahi’n; Judate chun, “Kua’nle Jesu chu Messiah ahi, a tiu leh kikhopna In ah kipat nawdaw ding,” a tisau ahi ziakin.

JOHAN 9:2

A nungzuite chun a kiang in, “Hotupa, zia pa mitthûmsa a pian hi ama gitlo ziak a diam, a nu leh pa gitlo ziak a hizaw diam?” a tiu a.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

LUKA 18:17

Titakzet in ka hil la hiu, kuale zia chapangte’n Pathian gam a lop gual ua lawp lo tapo chu, a sung ah lut lo hial ding a hiu,” a tia.

SAM 51:5

Ngaitia, khawlona hin ka hi, ka nu’n ei vop ah kipat in, migilo ka la hi tai.

JOB LEKHABU 25:4

Mihingte hi Pathian âng ah, bangti’n dik suak thei ding a hiu em? Numei sung ah piang chu bang ti’n, thiangtho ding a hiu em?

THILSIAM THU 19:9

Himaleh, amau chun, “Pawtdok in,” a ti bep uh le hilo in, “Zia mihingpa phiangsan hi zia tak ah hin a hung pêm lut in, tu’hin vaihawm ah pan a gaw nalai sêt in, tu’hin chu la zinte chung ah bawl sâng in nangma chung ah bawlsia zaw ding ka hiu,” a ti nalai sêt un. Tichun, Lot chu hun baw in, kotkhak hi’siat gua’n a hun nai tau a.

THUPUAN 13:17

Zia tepte’na sahâng min a hem a nambar a hem, neite longal chun, bangma a zok leh a chawktheilona ding un.

3 JOHAN 1:9

Kochuamte kiang in lekha ka la thot ta’n, himaleh, Diotrephia, a lak ua chungnun chû sekpa khan ka thuneinau a zanuam puai.

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

GALATIA 2:15

Ei uh chu Jentel migilote hilo in, Juda mi him ah piang I hiu a;

1 KORINTH 5:13

Himaleh, pawlam ah umte chu Pathian in ngaitua in a. La lak ua migilo chu nawdok un.

JOHAN 9:40

Zia a thugen chu a kiang ah Pharisai umte chun a la hiau ah, a kiang in, “Aleh, kei uh le mitthûm ka hiu em?” a tiu a.

JOHAN 9:35

Jesu’n ama chu a nawdok ui, ti a la he ta’n; ama chu a mudaw kit phatin, a kiang in, “Mihing Chapa la gingcha em?” a tia.

JOHAN 8:41

La pau nasep chu la sêm uh ahi hilam,” a tia. Ziaphatchun, amau chun, “Keihaw hi jaucha mai mai ka hi puau in, pa pakhat ka nei ui, Pathian ngei chu,” a tiu a.

JOHAN 6:37

Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

LUKA 14:11

Ama kingaisangte chu suktawm in um intiu in; ama kingaitawmte chu vang choisa’n in um in au,” a tia.

LUKA 11:45

Ziaphatchun, danthiam mi pakhat in a hun dawnhu a, “Hotupa, la thugen chun keihaw lei selpho na e!” a hun tia.

LUKA 6:22

Mihing Chapa ziak ah a hun huat ua, a hun pâm pai ua, a hun hosiat ua, a hun sukminsiat phat ua leh mi hampha la hiu,

ISAI 65:5

amau chun, “A la kivêng inla, ei hun nai kin, nang ah kipat koidaw thiantho ka hi ta’ngal un,” a tiu a. Zia gual mite chu ka nâk hawm ah meikhu ka thâdaw gual leh, sun nitum ah meikâng gual chu a hiu.

THUPILTE 29:1

Zilgai ahi zing lai ah ngaisak lo nalai chu, a hetlo kâl in sukdam kit theilo ding khop ah, khetbot in hung um in a.

THUPILTE 26:12

Mi ama bep pil kisa la mu kha ngai em? Zia gual mi sâng ah chun mingol chu kineppi a um zawi.

THUPILTE 22:10

Mi musit chîngte chu naw mang leu chin kinialna, kibauna leh kisualna zosia bei ngal in a.

JOB LEKHABU 14:4

Thilbuak lak ah kipat thil thiangtho, kua’n ladok thei ding a hem? Kuama’n ladok thei pua’n au.

2 KHANGTHU 25:16

Himaleh, zia thu a gen zing lai ah chun lengpa’n zia gual hin a hun dawnhu a: “Nang phiangsan hi lengpa lemguat piak ding ah kuan a hun guat ua a hem? Thip hiat hiat mai in! Bang ding ah hun that mai ding ka hi em?” a ti’n. Ziaphatchun, jawlnei chule a thip ah; chomkhat zaw in, “Zia gual ah ka hun thuhilna la ngaisak lo ah, zia tawhbang la bawl ziak hin, Pathian in hun susia ding ahi ti ka hia’i,” ti’n a hun gen a.

PAWTDAWNA THU 2:14

Ama chun, “Kua’n ka chung ua lal ding leh vaihawm dingin a hun guat bek ah a hem? Aigupta mipa la tha gual ah kha ei tha gua la hem?” ti’n a dawnhu a. Ziaphat chun, Mosi a lau ta’n, “Ka thilbawl kha min a het uh ahi tuak hilam e!” ti’n a ngaitua ta ahi.

3 JOHAN 1:10

Ziaziakchun, ka hung ahileh, I chungthuu ah thu dik lo a gente chu kophil ding ka hi. Zia bep chule hun tawk salo in, suapite chu a la lop nuam pua’n, a lop nuamte le zada in, kochuam ah kipat a nawdok nalai hi.