JOHAN 8:53 - PATHIAN LEKHABU THIANGTHO (BSI)

⁵³ a la thi ta, ka pau Abraham sâng ah lopi zaw la hem? Jawlneite le a thi zo tau hi. Nang hi kua la hem?” a tiu a.

JOHAN 8:53 Referans Kwoze

JOHAN 4:12

Ka puu Jakob sâng ah lopi zaw la hia a hem? Ama chun, zia tuikul hi ei pia’n, ama ngei leh a chate, chuleh, a ganchate’nle a la dawn ui,” a tia.

ROMTE 9:5

pu leh pate kha le amau â a hiu ah, taksa lam thu ah Khrista le amau lak ah kipat hung pawt ahi’n; ama chu thil zosia chung ah um ahi, kumtuang ah pâk tâk Pathian ahi, Amen.

JOHAN 19:7

Judate chun a dawnhuu a, “Dan pakhat ka nei ui, zia dungzui ah chun a thi ding ahi, Pathian Chapa ah a kigen ziakin,” a tiu a.

JOHAN 12:34

Mipite chun a hun dawnhuu ah, “Dan Lekhabu ah khan Messiah chu kum tuang ah um ding ahi ti ka hiau a; aleh, nang in bangtidan ah Mihing Chapa hi khaikâng ah um ding ahi, la ti’thei a hem? Zia Mihing Chapa hi kua a hem?” a tiu a.

JOHAN 10:33

Judate chun, “La nasep phat ziak ah hun se gua ka hi puau in, mihing hingal ah Pathian in la kisiam ah, Pathian la gensiat ziakin ahi zawi,” a tiu a.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.

JOHAN 5:18

Judate chun, sabbath ni a bawsiat ziak beple hilo in, “Ama leh ama Pathian gual ah kisiam in, Pathian chu ka Pa ahi, a tii,” a ti ziak un, tha a nuam deu deu un, a thalup theina ding chu a hawl zaw diak tau hi.

MATTHAI 12:6

Bang hitaleh, zia tak ah hin Pathian Biak In sâng ah lopi zaw a um hi, ti ka hil la hiu.

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

MATTHAI 3:9

Abraham chu ei suanpa ahi ti ziang kiu in, Pathian in zia suangte hi le Abraham suante a chansak thei hi ti ka hil la hiu.