JOHAN 8:46 - PATHIAN LEKHABU THIANGTHO (BSI)

⁴⁶ Migilo ka hi’na genchian thei la um awm? Thu tak gen ka hileh bangatia ei gingcha lo la hiu em?

JOHAN 8:46 Referans Kwoze

HEBRAITE 4:15

Thiampu lianpen, I hatlonateu ei hetpi phâk lo nei I hipuau ah, eihaw gual ah patepna tincheng a la tuak ta maleh, gitlona a la neilo chu nei I hizawu hi.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

JOHAN 8:7

A vêl vêl ah a dot ziak un, a hung dakdok ah, a kiang un, “La lak ua gitlona neilo pen pen in zia nu hi suang in hun sep masa pen un,” a tia.

MARKA 11:31

Tichun a kingaituau a, van ah kipat tileuhin la, bang a tia gingcha lo la hiu em? ei ti’ntin,

MATTHAI 21:25

Johan baptisma kha khoi ah kipat a hem? Van ah kipat a hem, ahiloleh, mihing ah kipat a hem? a tia. A kingaituau ah, Van ah kipat, tileuhin la, Bangatia gingcha lo? ei ti’n tin.

1 PETER 2:22

“Ama chun thil a hi’khial him him pua’n, a kam ah le juauthepna a um puai”.

HEBRAITE 7:26

Tichun, thiampu lianpen, thiangtho, poikhoi lo, buakna neilo, migilote ah kipat um chuam, vante sâng ah chungnung zaw ah siam, I mamawteu â ding ah hun tawk I nei uh chu a kilawm him ta ahi.

2 KORINTH 5:21

Ama ah chun Pathian dikna I hi’theina ding un, gitlo him him helo chu Pathian in ei uh ziak in gilo in a siam tai.

JOHAN 18:37

Pilat chun a kiang in, “Aleh, leng la hi chu maw?” a tia. Jesu’n, “Leng ka hi chu nang inle la gen ta chulam. Thutak hiatsak ding leh zia thil ziak tak ah hin khawvel ah hung ka hi. Kuale mi thutak tapo chun ka aw a ngaithau hi,” a tia.

JOHAN 16:8

Ama a hung tun phat leh, gitlona thute, dikna thute leh vaihawmna thute’n khawvel a thiamlo dan hun hiatsak in a.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

JOHAN 8:47

Pathian ah kipat hungte chun Pathian thute a ngai sek ui. Nanghaw hi Pathian ah mi la hilo ziak un, a thute le ngailo la hiu hi,” a tia.