JOHAN 8:28 - PATHIAN LEKHABU THIANGTHO (BSI)

²⁸ Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

JOHAN 8:28 Referans Kwoze

JOHAN 5:30

Keima’n ka thu thu’n bangma ka hi’thei puai. Ka het dan tak in vai ka hawm zaw sek hi; keima dawi gual gual ah ka bawl a hi’lo ziakin, Pa, ei sawlpa chun a ti dan dan in vai ka hawm zaw ahi; ziaziakchun, ka vaihawm chule a dik hi.

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 6:38

keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

JOHAN 3:14

Mosi’n gamthip ah sumgul a khaikâng gual khan, Mihing Chapa hile khaikâng ah um intin.

ROMTE 1:4

chuleh, thianthona thagau ahi’na dungzui leh, thina ah kipat a thawkitna thilhitheina ah chun, Pathian chapa ahi’na chu taklat in a um ta’n.

NASEPTE 4:4

Himaleh, thu ngaithate lak ah tam tak chun a ging tau ah; a tam lam uh chu sang nga vêl a hiu hi.

NASEPTE 2:41

Tichun, a thugen pomte chu a baptis tau a; zia ni chun mi sâng thum vêl belap in a um ui.

JOHAN 19:18

Zia tak ah chun a khenden ua, a kiang in mi pani, a sîk langkhat ah pakhat gêl, a lai tak un Jesu a khenden tau hi.

JOHAN 16:10

Dikna thu’n thiamlo chang in au, Pa kiang ah chia ding ka hi’n, nang un lei mu tâk lo ding ziak un;

JOHAN 11:42

Keima hi lei la ngaitha zing hi ti le ka hia’i; ahi’n, zia mipite, ka kiang ah dingte ziak ah hin nang in lei sawl ka hi dan a hun taksan theina ding un, zia hi ka ti ahi,” a tia.

JOHAN 8:24

Ziaziakchun, ‘La gitonau ah thi ding la hiu,’ ka ti la hiu; keima lei ginchâk lo ziak un, la gitlonau ah chun thi ngei ding la hiu,” a tia.

JOHAN 3:11

Titakzet in ka hil la hi, kei un ka het uh chu ka gen sek un, ka muu chu ka hiatsak sek ui; himaleh, la taksang ngai puau hi.

PAWTDAWNA THU 3:14

Pathian in Mosi kiang in, “KEI CHU A UMZINGPA chu ka hi,” a tia. Israel mite kiang ah chun, “KEIMA kiti chun nanghaw kiang in ei sawl ka hi, ti’n gen in,” a tia.

DAN LEKHABU 18:18

Amau lak ah kipat ma ma in nangma gual hi jawlnei khat hun tungdok ing ka tin; zia jawlneipa kam ah chun ka thute koi ing ka tin, a kiang ah thu ka piak taphot chu a kiang un hil mai ta’n.

MATTHAI 24:5

Ka min in mi tam tak in, Khrista chu ka hi, ti’n mi tam tak hun pui mang intin uh.

MARKA 13:6

Mi tam tak ka min in hung intiu in, ‘Ama chu ka hi,’ ti’n mi tam tak hun pui mang in au.

LUKA 21:8

Ama chun, “Thepzaw ah la um lona ding un chingthei un. Mi tam tak ka min in hung intiu in, ‘Ama chu ka hi,’ a hun ti ding hun uh a nai tai. Zia gual mite chu zui kiu in.

JOHAN 4:26

Jesu’n a kiang in, “Keima la kiang ah thugen pa hi ama chu ka hi,” a tia.

JOHAN 8:27

Amau haw chun Pa chung thu gen ahi lam lam le a hepuau hi.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.

JOHAN 13:19

Tu’hin, a hun tun ma ka hil la hiu, zia chu a hung tun tak leh keima ka hi, ti hun hechian ta’n lau.

JOHAN 18:32

Zia hi Jesu’n a thidan ding a la gen kha a guitunna ding ahi.