JOHAN 8:21 - PATHIAN LEKHABU THIANGTHO (BSI)

²¹ Chuleh, a kiang un Jesu’n zia thu hi a gen kit a: “Chia mang ding ka hi, ei hawl in la tiu in; himaleh, nanghaw chu la gitlonau in thi ding la hiu. Ka chiana lam ah hung theilo ding la hiu,” a tia.

JOHAN 8:21 Referans Kwoze

JOHAN 7:34

Ei hawl in la tiu in, ei mu ta pua’n lau; ka umna nang uh hung thei pua’n lau,” a tia.

JOHAN 8:24

Ziaziakchun, ‘La gitonau ah thi ding la hiu,’ ka ti la hiu; keima lei ginchâk lo ziak un, la gitlonau ah chun thi ngei ding la hiu,” a tia.

JOHAN 13:33

Naute haw, la kiang un chomkhat bep um ding ka hi tai. Nang un ei hawl in lau; chuleh, Judate kiang ah, ‘Ka chiana ding ah hung thei pua’n lau,’ ti ah ka gen gual khan, tu’hin nang uh kiang inle ka gen a hi.

EPHESA 2:1

Nanghaw le, la sukkhial leh gitlonateu ziak ah thi la hi’lai uh khan, a hun hinsak la hiu a;

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

JOHAN 12:33

Zia thu chu a thi ding dan a genna ahi.

MATTHAI 25:46

Tichun, ziate lawi chu kumtuang gawtna chun sawl ta’n tin; midikte chu vang kumtuang hinna chun lutsak ta’n au, a tia.

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

MATTHAI 23:39

Ka hil la hiu, Lalpa min ah hung chu a hamphai, la ti masang siau ei mu kit ta pua’n lau, a tia.

ISAI 65:20

A sung ah chun nausen a ni ah sim bep dam um ta pua’n tin; chuleh, teksia a dam kum ding ting lo le um diak pua’n a; kum za khat dam chu nausen lamjul ah thi gual hi’ntin, kum za khat ting lo ah thi chu, migilo ka hânsialaw ziak ah thi hi’n a.

THUPILTE 14:32

Mi nunsiate chu a thil bawlkhialnau in a kipal pâi sek un; midik chun vang a diktatna ziakin bêl ding a mu zing hi.

THUPILTE 11:7

Mi nunsia chu a thi tawh kigual in a kinepna chule bei ngal intin; sakhua ngaisak lote kinepna chule bangmalo a hung hisek hi.

JOB LEKHABU 20:11

A taksau chu khangdawng lai gual bang maleu, leivui suak pai ta’n au.

1 LENGTE 18:10

Lalpa la Pathian hinna’n ka kihaksial hi: Ka lalpa‘n nang hawl ding ah a sawl lona gam leh nam a um ta puai; tichun, ‘Zia hin a um puai,’ a ti phat ua leh, zia gam a hem nam a hem chun a hung mu paw ngei nau hi ti a kihaksial sak sek ahi’n.

JOHAN 7:36

Ei hawl in la tiu in, ei mu ta puan lau, keima chiana chun hung thei puan lau, a ti hi bang a ti’na ahi diam? a kitiu a.