JOHAN 8:12 - PATHIAN LEKHABU THIANGTHO (BSI)

¹² Jesu’n a kiang un thu a gen kit a, “Keima khawvel vâk chu ka hi. Ei zui tapo chu thim in leng pua’n tin, hinna vâk nei zaw’n a,” a tia.

JOHAN 8:12 Referans Kwoze

JOHAN 12:46

Kei khawvel salvâk ding ah hung ka hi, kuale ei ging chu thim lak ah a um zing lona ding un.

JOHAN 9:5

Khawvel ah ka um sung hin khawvel vâk chu ka hi,” a tia.

JOHAN 12:35

Jesu’n, “Zia vâk hi hun chomkhat sung la lak un a um tadi hi, vâk la nei sung un chiau in, dan leh la chung un thimna hung tung intin, kuale thim lak ah tawite chun a chiana diu a he puau hi.

MATTHAI 5:14

Khawvel vâk la hiu. Tâng chung ah khua um chu sêlgûk thei ahi puai.

JOB LEKHABU 33:28

Thi’na ko’tang ah lut ding lai ei hukdok in, ka hinna hin vâk mu kit ding ahi tai,” ti’n La a sak khum hi.

JOHAN 3:19

Zia hi thiamlo channa chu ahi, vâk chu khawvel in a hung a; himaleh, mite’n vâk sâng in thim a dawi zawu hi, a thil hi’teu a phatlo ziakin.

SAM 18:28

Ka thaumei ei detpiak chu nangma la hi; Lalpa ka Pathian in keima ah thimna ei hi’vâk piak tai.

ISAI 9:2

Thim nuai ah chiate’n vâk nasa tak a mu tau; thimpi’n a jinkhumna gam ah chêngte chung ah chun, vâk a hung suak tai.

2 PETER 2:4

Vansawlchâkte’n thil ahi’khial lai un Pathian in a hawi pua’n, gawtmun in a pai a, vaihawm khum dingin thimna thûkpen in a khum tai.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

ISAI 49:6

Israelte lak ah a suakcha sunte tundin kit ah, Jakob namte photdin kitna ding ah, ka suak ah la pan hi thil bailam ahi puai; kawlkil tiang ah mite kiang chan ah, ka hukdamna a tun theina dingin, namtin salvâk dingin hun siam ding ka hi.

NASEPTE 13:47

Lalpa‘n thu ei piak dan chu: ‘Jentelte salvâk dingin ka hun tundaw la hi, lei langkhat tawp chan ah hukdamna lampi taklang dingin,’ ei ti ka hiu,” a tiu a.

SAM 97:11

Mi dikte â dingin vâk a hung suak in, lungthim dik takte â dingin, kipakna a hung tung hi.

NASEPTE 26:23

Zia chu, Messiah chun thuak ngei intin, ziazaw chuleh, a mipiteu leh Jentelte kiang ah vâkna thu chu a taklat theina dingin mithite lak ah thawkitna mapui ah pang ding ahi, ti thu bep hi a hi, ti’n a gen a.

JOHAN 14:6

Jesu’n a kiang in, “Keima hi lampi leh thutak leh hinna ka hi. Keima ah chia lo chu kuama Pa kiang a tung ngai puau hi.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

MALAKI 4:2

Himaleh, nang uh ka min laute chung in vang dikna nisa tawh a thalîm ah sukdamna hung suak in a. Bawng In ah bawngno kichawm gual in kichawm dok ta’n lau.

THUPUAN 21:24

Namtin hukdamte chu a vâk ah chun leng intiu in; lei ah lalte’n a lopinau chu som lut in au.

LUKA 2:32

vâk, Jentelte salvâk ding leh, la mi Israelte lopina ding chu,” a tia.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

JUDA 1:13

tuisuagiat kinawk phuan gual ah amau mualphona kilang leh, kumtuang ah thim nuai ah um ding ah kikhêk aksi sawmlêngte gual a hiu hi.

2 PETER 2:17

Ziate chu tuikhuk tui umlo leh, sûm tui paw lo hui in a mut lumlet a hiu ah, amau â dingin thimna sâ pen chu khêk in a um tai.

JUDA 1:6

Chuleh, vansawlchâkte, amau hi’na zui lo ah, a umna mun uh nusiate chu, ni lopi ah vaihawmna â dingin thim nuai ah kumtuang kolbul in hensa’n a koihe tai.

SAM 49:19

a pu leh pateu kiang in kile’kit intiu in, bangtik inle vâk hi mu kit ta pua’n au.

JOHAN 12:36

Vâk la lak ua a um sung hin vâk hi gingcha tau in, vâk chate la hung hitheina ding un,” a tia. Jesu’n zia thu chu a gen zaw chun a chia mang ah, amau lak ah kipat chun a kisêl mang tai.

1 JOHAN 1:6

Thim lak ah um ngal in, ama tawh ka kivop zing ui, tileu hin, juau gen I hiu a, thutak le I zui puau hi.