JOHAN 7:33 - PATHIAN LEKHABU THIANGTHO (BSI)

³³ Ziaphatchun, Jesu’n a kiang un, “Hun chomkhat sung la kiang un um ing ka tin, ziazaw chuleh ei sawlpa kiang ah chia ding ka hi tai.

JOHAN 7:33 Referans Kwoze

JOHAN 16:5

Tu’hin ei sawlpa kiang ah chia ding ka hi tai; nanghaw lak ah khat cha’n le, “Khoi ah chia ding la hem?” ti’n lei dong puau hi.

JOHAN 13:33

Naute haw, la kiang un chomkhat bep um ding ka hi tai. Nang un ei hawl in lau; chuleh, Judate kiang ah, ‘Ka chiana ding ah hung thei pua’n lau,’ ti ah ka gen gual khan, tu’hin nang uh kiang inle ka gen a hi.

JOHAN 17:13

Tu’hin, nangma kiang ah hung ding ka hi tai; zia thute hi khawvel ah hin ka gen tai; amau ah ka kipakna a bukim theina dingin.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 16:10

Dikna thu’n thiamlo chang in au, Pa kiang ah chia ding ka hi’n, nang un lei mu tâk lo ding ziak un;

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

JOHAN 13:1

Chiakân Kût ma deu ah chun, Jesu’n zia khawvel hi nusia ah, Pa kiang ah a chia hun tung ding ahi tai ti a hia’n. Ama mi, khawvel ah um, a hepi sekte chu a tawp tiang in a hepi zing a.

MARKA 16:19

Lalpa chun, zia thute chu a gen zaw phatin, van lam ah pui to in a um ta’n, Pathian changlam ah a hang chu tai.

JOHAN 9:4

Sûn ahi pêtcha hin ei sawlpa na ka sep ding ahi: jan hiding ei tai, zia phat chuleh kuama’n na sêm thei ta pua’n au.

JOHAN 14:12

Titakzet in ka hil la hiu, kuale keima ei ging chun, ka nasepte hi ama’nle hun sêm in a, keima Pa kiang ah ka chia ding ziakin, ziate sâng ah nasa zaw hile hun sêm ding ahi.

JOHAN 14:28

La kiang ua, chia mang ing ka tin, hung kit ding ka hi, ka ti kha la he tau hi. Keima lei hepiu leh, pa kiang ah chia ding ka hi, ka ti ziak ah hin kipak ma ma ding la hiu; ka pa chu keima sâng ah lopi zaw ahi ziak in.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.