JOHAN 7:19 - PATHIAN LEKHABU THIANGTHO (BSI)

¹⁹ Mosi’n Dan hun pia hilo a hem? Aleh, kuama’n la jawm diak puau hi. Bangatia, keima ei thâ gua la hiu em? a tia.

JOHAN 7:19 Referans Kwoze

JOHAN 1:17

Mosi mang in Dan thupiak ahi’n; himaleh, hepina leh thutak chu Jesu Khrista ah chun a hung um tai.

JOHAN 11:53

Tichun, zia ni kipat chun, Jesu chu a tha theina ding uh a ngaitua khawm tau hi.

JOHAN 7:1

Zia nung ah chun, Jesu chu Galili gam lam in a chia a; Judate’n ama thâ a guat ziak un, Judea gam ah chun a chia nuam ta pua’n.

MATTHAI 12:14

Ziazaw chun, Pharisaite a pawt ua, ama a tha theina ding uh ngaitua in a kiho-khawm tau a.

GALATIA 6:13

Zektante nangawn inle dan thu chu a zui diak puau ah, a taksau ah suan ding a neitheina ding un zektan ding nuam mai a hiu.

DAN LEKHABU 33:4

Jakob mipite’n go ah a lua ding un, Mosi’n dan thu zui ding ei pia’i.

DAN LEKHABU 1:17

Doichuam nei in vaihawm kiu in; milian leh neu kibang in ngaitua piak unla; kuama lau chuam nei kiu in, vaihawmna chu Pathian â ahi ngalah. Nang uh ngaitua ding ah haksa talua phot chu, ka kiang ah hun tut un, keima’n ngaitua na’ng ka,” ti’n thu ka la pia ta ngal a.

GALATIA 3:19

Ahiloleh, bangtidan ah dan chu um a hem? Chi suan thutiamna chu a hung tun masang in sukkhialnate ziakin belap in a um ah, vansawlchâkte mang ah palai khut ah sukdet ahi.

NASEPTE 7:38

Sinai tâng ah ama kihopi Pathian mi tawh, gamthip ah kikhawmte lak leh, I pu leh pateu lak ah a la um kha ama chu ahi’n; ama chun ei piak sawn dingin thuhingte a la la ta’n.

JOHAN 10:39

Ziaziakchun, ama chu mat a hun guau a; himaleh, ama chu a khut ua kipat chun a suakcha kit tai.

JOHAN 7:25

Jerusalem khua mi khenkhat in, “Zia pa hi thalup a guatpau kha hilo a hem?

JOHAN 5:45

Keima’n Pa kiang ah ka hun hêk ding gingcha kiu in; a hun hêk mi pakhat a um hi, la gin uh Mosi ngei chu.

JOHAN 5:18

Judate chun, sabbath ni a bawsiat ziak beple hilo in, “Ama leh ama Pathian gual ah kisiam in, Pathian chu ka Pa ahi, a tii,” a ti ziak un, tha a nuam deu deu un, a thalup theina ding chu a hawl zaw diak tau hi.

JOHAN 5:16

Tichun, Judate chun Jesu chu Sabbath ni thil a bawl ziak ah chun, mat ah tha theina ding a hun ngaitua tau a.

MARKA 3:6

Pharisaite chu a pawtdok ua, ama a tha theina ding dan uh ngaitua in, Herod pawl ah mite tawh a vakiho-khawm tau a.

MARKA 3:4

Chuleh, amau haw kiang ah chun, “Aleh, sabbath ni’ hin sukphat a thiang em, suksiat? Hukhin a thiang em thalup?” a tia. Himaleh amau chu a thip chil chel ua.

MATTHAI 21:38

Himaleh, a lou bawlte chun, a chapa chu a la mu phât un, a la kihotuak un, zia hi a golua ding pa chu ahi; hung un, a la that hitiu in, a gochan ding zosia chu ei un kilâk hitiu, a tiu a.

MARKA 11:18

Zia thu chu thiampu lalte leh lekhazikte chun a het phat un, ama tha theina ding a hawl tau a; mipite chun a thuhil dan chu lamdang a sak ziak un, amau chu a lau tangal un.