JOHAN 6:37 - PATHIAN LEKHABU THIANGTHO (BSI)

³⁷ Ka Pa’n ei piak zosia chu ka kiang ah hung ding a hiu; a hung tapo chu deldok lo hial ding ka hi;

JOHAN 6:37 Referans Kwoze

MATTHAI 11:28

Nanghaw sêmgim leh puakgik paw zosiate haw, ka kiang ah hung un, keima’n a la chawldam sak ing ka.

JOHAN 6:39

Zia hi ka Pa ei sawlpa doigual chu ahi, ama’n ei piak zosia chu, bangma matsua neilo in, nitawp ni leh kaitho zaw leng.

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

JOHAN 17:6

Khawvel ah kipat nangma’n lei piak mite kiang in la min ka hi’lang tai. Amau haw chu nang â a hiu in, nang in amau haw chu kei lei piak ahi’n; amau in la thu a zawm tau hi.

JOHAN 17:2

zia gual ah mi zosia chung ah thunei ah la siam khan, a kiang ah la piak tapote chu kumtuang hinna a piak theina ding in.

ISAI 55:7

mi nunsia chun a siatna lampi chu haisan hen la, mi diklo chun a ngaituana phalo haisan ta hen; Lalpa lam ah hung kile’kit hen, a chung ah ja’ngai in a. I Pathian kiang lam un hung kit uh hen, ama’n a la ngaidam ma ma ding ahi ngal a.

HEBRAITE 4:15

Thiampu lianpen, I hatlonateu ei hetpi phâk lo nei I hipuau ah, eihaw gual ah patepna tincheng a la tuak ta maleh, gitlona a la neilo chu nei I hizawu hi.

2 TIMOTHI 2:19

Himaleh, Pathian suangphûm det tak chu a ding zing ah, zia tepte’na hi a nei hi: “Lalpa‘n ama â te chu a hia’i,” ti leh, “Lalpa min lam tapo in gitlona kiheisan hen,” ti hi.

1 TIMOTHI 1:16

Himaleh, ziaziak tak ah chun ahi jangaina chu ka mu; chutia, a gilo pen keima ah Jesu Khrista dawtheina kim latsak ah um chu, tu’nung ah ama hun gingte chun, kumtuang hinna a mu ding uh chu etsakna hiding in.

ISAI 42:3

mi vokna luangkang thiakbong pua’n tin, thaumei de liak liak chule mut mit diak pua’n a; ama’n dik tak ah vaihawmna hun pan in a.

JOHAN 6:65

Chun, ama’n, “Ziaziakchun ahi la kiang ua, ‘Pa’n a panpi lo chun kuama ka kiang ah hung thei pua’n a,’ ka ti kha,” a tia.

ISAI 41:9

lei mong lam pek ah kipat ka hun puidok a, leimun gamla pen ah kipat ka hun kodok a, la kiang in: Nang hi ka suak la hi, keima ngei in ka hun têlchuam la hi’n, hun paitha lo ding ka hi;

ROMTE 5:20

Sukkhialna a kilat tam zawk diak theina dingin dan chu a hung lut a. Himaleh, gitlona a punna chun hepina le a pung zaw diak sek hi.

THUPUAN 22:17

Chuleh, Thagau leh mo chun: “Hung in,” a tiu a. A he tapo chun, “Hung in,” tiu hen. Chuleh, a nuam tapo in hinna tui hi, a thawn in hung dawn uh hen.

1 JOHAN 2:19

Amau chu I pawl ua kipat a pawtdok tau a; himaleh, I pawl ua pang ahi puau hi; I pawl ua mi hileu chu I lak un um zing ding ahi ngal un. Himaleh, I pawl ua mi a hi’lo dan uh kichetna dingin a pawtdok tau hi.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

MATTHAI 24:24

Messiah lêmte leh jawlnei lêmte hung pawt intiu in, melchikna leh tepte’na thupi tak tak le hun etsak in au; hithei vang leh têlchuamte hial le thep zaw hun gua’n au.

SAM 110:3

La tâng thiangtho ah la sepaite ma la hun pui phat leh, la mipite chu nang â ding ah, thanuam tak in hung kipia’n tiu in; jingkal matak ah daichîm gual in, la khanglaite chu la kiang in hung in au.

SAM 102:17

Tasamte dotna ngaitha’n tin, a pauchapnau musit pua’n a.

PHILIPPI 1:29

A jangaina ziak ah Khrista la gin bep uh hilo in, ama ziak ah la thok uh le phal ahi.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

JOHAN 9:34

Amau chun a kiang in, “Nang la pumchang ah gilo ah piang hin kei uh ei hil gua la hi maw?” a tiu a; tichun, ama chu a nawdok tau hi.