JOHAN 5:44 - PATHIAN LEKHABU THIANGTHO (BSI)

⁴⁴ Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

JOHAN 5:44 Referans Kwoze

JOHAN 12:43

Pathian pakchakna sâng in mihing pâkchâkna a hawl zaw ngal un.

ROMTE 2:29

A sunggil lam ah Juda mi hite bep chu a tak a hiu; chuleh, tak tak hilo in, lunggil lam thagau ah zektante bep chu zektan tak tak a hiu. Zia gual mite chun, mihing pachatna sâng in Pathian pachatna a law zaw sek ui.

PHILIPPI 2:3

Kikhenna ding a hem, kilopisakna ziak a hem ah bangma bawl lo in, mi zosia’n kingaitawm tak in, ama sâng ah mi dang phazaw’n guat chiat uh hen.

MATTHAI 23:5

A thil hi’ taphotteu chu mihing mit mu dingin a hi’sek un, a thilbuu leh a dialkopteu chu a hi’lian un, a puanâk mongteu chu a hi’pawm ui.

1 PETER 1:7

Sana, mei ah patep nung ah le mangthai thei sekte sâng ah man phazaw, la ginnau chu Jesu Khrista hung kilâk phat leh, pâkna leh choihoina leh lopina a hung hi’theina dingin.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

ROMTE 2:10

ahi’n la, thilpha bawlte chung ah chun lopinate, choisânnate leh thamuannate Judate chung ah tung masa’n tin, ziazaw chuleh Jentelte chung inle tung in a.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

LUKA 19:17

A pu chun a kiang in, ‘Suak pha, la bawl phai; tawmcha chung ah la ginum ziakin khaw sawm chung ah vaihawm in pang in,’ a tia.

2 KHANGTHU 6:8

himaleh, Lalpa chun ka pa David kiang in, ‘Ka min ah In sak ding dan la ngaitua hi pha ka sa ahi;

JAKOB 2:1

Ka suapite haw, mi doichuam nei tak ah um zing kawm in, I Lalpau Jesu Krista lopi tak chu la gingcha tak tak thei nau em?

HEBRAITE 3:12

Suapite haw, chingthei tau in; chutilochun, Pathian hing chu kiheisan dingin la lak un kua chung inle ginlona lungthim gilo tak hung um kha’n a.

2 KORINTH 10:18

Ama kigenpha chun pâkchât a law pua’n, Lalpa’n a genphat te chun a law zaw sek hi.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 8:43

Bangatia, ka thugen hi hethiam theilo la hiu em? Ka thugen la pom lo ziak uh ahi.

JOHAN 3:20

Thil phalo bawl tapo in vâk a dawi puau in, vâk inle a hung nuam puau hi.

JEREMIAH 13:23

Ethiopia mi chun a vun uh theng in, gialbem inle a ziau a theng thei awm? Chuti ahileh, nanghaw thil phalo bawl zongsakte hinle, thil pha bawl thei tho ding la hiu chulam.

1 SAMUEL 15:30

Ziaphatchun, Saul in, “Ka la gilo tai; himaleh, ka mipite leh upate ma-âng ah hin ja’ngai inla, Lalpa la Pathian ka biak theina dingin ei chiapi kit in,” ti’n a gen a.

JOHAN 5:41

Mihing pakchâkna mai hi ka kipakpi puai.

1 THESSALONITE 2:6

Nangmau lak hin, midang lak ah hitaleh, mihingte pakchat ka hawl ngai puau hi,

1 TIMOTHI 1:17

Khang zosia ah Lalpen, thi theilo, muthei lo, Pathian pakhat bep kiang ah chun kumtuang in choihoina leh lopina um zing ta hen.

JUDA 1:25

Pathian tak bep I Hukdampau kiang in, I Lalpau Jesu Khrista jal in, lopina, lalna, thilhitheina leh thuneina, hun chiasa leh tu’hun leh kumtuang in um zing ta hen. Amen.