JOHAN 5:30 - PATHIAN LEKHABU THIANGTHO (BSI)

³⁰ Keima’n ka thu thu’n bangma ka hi’thei puai. Ka het dan tak in vai ka hawm zaw sek hi; keima dawi gual gual ah ka bawl a hi’lo ziakin, Pa, ei sawlpa chun a ti dan dan in vai ka hawm zaw ahi; ziaziakchun, ka vaihawm chule a dik hi.

JOHAN 5:30 Referans Kwoze

JOHAN 6:38

keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 4:34

Jesu’n a kiang un, “Ei sawlpa dawi gual bawl leh, a na sep zaw hi ka an ahi.

JOHAN 14:10

Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

MATTHAI 26:39

Ama chu a vachia gamla chuam deu ah, bokkhup in a pauchap a, Aw he Pa, a hi’thei leh zia no hin ei pêl mai hen: himaleh, keima thu hilo in, nangma thu thu hizaw hen, a tia.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

ROMTE 15:3

Khrista ngei inle ama kipakna ding mai a hawl pua’n; “Nangma hun hosiate hosiatna chu keima chung ah a chu tai,” ti zik gual ah khan.

JOHAN 8:50

Keima min phatna hawl ka hipua’n; ei hawl piak mi pakhat a um nai.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

JOHAN 17:4

Nang in na sep ding ah lei piak kha ka sêm zo ta’n, khawvel ah hin nangma ka chawihoi tai.

SAM 96:13

Lalpa ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.

JOHAN 18:11

Peter kiang in Jesu’n, “La chemjam kha a pâi ah thun kit ta’n. Ka Pa’n ka dawn ding ah ei piak no hi dawn lo ding ka hia hem?” a tia.

THILSIAM THU 18:25

Nang lawm lawm in zia gual ah chun midikte chu migilote gual ah bawl mai ding leh, midikte chu migilote lak ah a thi khawm mai ding uh chu phal sam ding la hem? Lei chung zosia ah vaihawmpa chun dik tak in bawl lo ding la hem?” ti’n a dong a.

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

ROMTE 2:2

Ahi’n, zia tawhbang thil gilo bawlte chung ah chun Pathian in thutak in vai hun hawm ngei ngei ding ahi, ti I hiatsau ahi ngal a.

ISAI 28:6

vaihawmna chutpha kichute â dingin, a dik hiattheina thagau hi’ntin; mêlma’n khawpi a bulu lai ua, kul kotkhak bul ah gâlte, a la le’naw kitte â dingin, hatna hung hi’n a.

ZEPHANIAH 3:15

Lalpa‘n la chung ah demna zosia a lamang ta’n, la mêlmate a del mang zo tai. Israelte lal, Lalpa chu la lak un a um hi; thil phalo hung tung ding lau nei ta pua’n la.