JOHAN 4:34 - PATHIAN LEKHABU THIANGTHO (BSI)

³⁴ Jesu’n a kiang un, “Ei sawlpa dawi gual bawl leh, a na sep zaw hi ka an ahi.

JOHAN 4:34 Referans Kwoze

JOHAN 6:38

keima doigual hi’ding ah van ah kipat hung ka hipua’n, ei sawlpa doigual hi’ding ah hung kum ka hizawi.

JOHAN 5:30

Keima’n ka thu thu’n bangma ka hi’thei puai. Ka het dan tak in vai ka hawm zaw sek hi; keima dawi gual gual ah ka bawl a hi’lo ziakin, Pa, ei sawlpa chun a ti dan dan in vai ka hawm zaw ahi; ziaziakchun, ka vaihawm chule a dik hi.

JOB LEKHABU 23:12

A thupiakte chu ka pêtsan ngai pua’n, a kamsuakte chu ka âng sung in ka vopdet zing hi.

JOHAN 17:4

Nang in na sep ding ah lei piak kha ka sêm zo ta’n, khawvel ah hin nangma ka chawihoi tai.

JOHAN 19:30

Jesu’n uain thûk chu a dawn zaw in, “A kichai tai,” a hun tia. Tichun, a lu a khûn ah, a thagau a thâ tai.

MATTHAI 26:39

Ama chu a vachia gamla chuam deu ah, bokkhup in a pauchap a, Aw he Pa, a hi’thei leh zia no hin ei pêl mai hen: himaleh, keima thu hilo in, nangma thu thu hizaw hen, a tia.

JOHAN 5:36

Himaleh, Johan sâng ah hiatsakpa lopi zaw ka nei hi. Zia chu, Pa’n ka sep zaw ding ah ei piakte ka sep zaw hin, zia nasep ngei chun, Pa ei sawl ka hi’dan kichian tak in a hiatsak ahi.

JOHAN 4:32

Himaleh, ama chun, “La hetlo uh an nêk ding ka nei hi,” a tia.

LUKA 19:10

Mangthaite hawl ah hukdam dingin Mihing Chapa hi hung him ahi,” a tia.

SAM 40:8

Aw ka Pathian, la doigual bawl hi, ka thatnop lam tak ahi’n; la dan chu ka thinlung in a châm zing hi,” ka ti’n.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

LUKA 15:10

Ka hil la hiu, zia gual ma chun, Pathian vansawlchâkte ma ah chun migilo pakhat lungheina ziakin kipakna a um sek ahi, a tia.

NASEPTE 20:35

Bangkim ka hun nunmu ah, migentheite panpina ding ah la sep gim ding dan uh leh, ama I Lalpau Jesu ngei in, “Lâk sâng in piak in lukhawng a nei zawi,” a ti kha hezing un, a tia.

JOHAN 6:33

Pathian vaithum chu van ah kipat hung suk ah, khawvel â ding ah a hinna pepa hiding ahi,” a tia.

MATTHAI 3:15

Himaleh, Jesu’n a kiang in, “Tu’hin ei chansak mai in, zia gual ah dikna dan zosia sukbukim hi I bawl dingin a kilawm hi,” ti’n a dawnhu a; tichun lem a sa tai.

LUKA 2:49

Ama chun a kiang un, “Bangatia ei hawl la hiu em? Ka Pa In ah um ding him ka hi ti helo la hiu em?” a tia.

JOHAN 8:29

Keima ei sawlpa hi keima tawh um khawm ka hiu; ama kipakna ding bep ka bawl zing sek ziakin, ama chun kei ngawn in ei nusia ngai puai,” a tia.

JOHAN 19:28

Jesu’n thil bangkim a bukim tai ti a het phat in, (Pathian Lekha thu guitunna ding in,) “Ka dang a châk hi!” a hun tia.

MATTHAI 9:19

Tichun, Jesu chu a kipan ah, a zui ngal tai; a nungzuite’nle a zui tau hi.