JOHAN 4:23 - PATHIAN LEKHABU THIANGTHO (BSI)

²³ Ahi’n, a hun tung ding ahi tai, tu’hin le a tung ma ahi tai, zia hun tak chuleh Pathian be tak takte chun, Pa chu Thagau leh thutak in ho ding a hiu; Pa’n zia tawhbang mi chu ama ho dingin a hawl hi.

JOHAN 4:23 Referans Kwoze

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

JOHAN 5:25

Titakzet in ka hil la hiu, a hun tung ding ahi tai, a tung male a hiziang tai; ziaphat chuleh, mithite chun Pathian Chapa aw hia’n tiu in, a hete zosia chu hing in au.

GALATIA 4:6

Chuleh, chate la hi tâk ziak un Pathian in a Chapa Thagau chu, “Abba, He pa,” ti ah kiko in, I lung sung un a hun sawl ta ahi.

ROMTE 8:26

Zia gual ah chun, Thagau chun I hatlonateu ah ei panpi sek in, eimau hin bangti pauchap ding I hiu em ti I hepuau in, zia Thagau ngei chun gen daw theilo khop ah nasa zaw’n ei dot piak in a la thûm sek hi.

JOHAN 12:23

Jesu’n a la dawnhu ah, “Mihing Chapa hi chawihoi ah a um hun hung tung ding ei tai.

EPHESA 6:18

Thagau ah chun pauchapna leh dotna zosia’n huntin in pauchap un. Zia ding ah chun, mithiangtho zosia â dingin phatchuamngai tak thuak zo tak ah don in hu’ngai zing un.

JOHAN 4:21

Jesu’n a kiang in, “Numei, ei taksang mai in, a hun tung ding ahi tai, zia tâng leh Jerusalem khel lo ah le, Pa chu biak thei hung hita ding ahi.

JOHAN 1:17

Mosi mang in Dan thupiak ahi’n; himaleh, hepina leh thutak chu Jesu Khrista ah chun a hung um tai.

ISAI 29:13

Lalpa‘n zia gual hin a gen a: “Zia mite hin kamthiam in ei nai un, mûk thiam in ei ja’bawl un, a lungthim uh vang a gamla ma ma hi; keima ei biaknau chule, mihing thupiak dangnâl thu ah zil thiamna mai mai ahi;

ISAI 58:2

Ahi’n, amau chun nisi’n in ei hawl ngei un, ka lampi le a he nuam nau hi; dik tak ah bawl sek namte gual leh, a Pathian thuthung kihei mangsanlote gual in, dik tak in vaihawm in ei tiu a; Pathian nei le a nop lam uh ahi nai.

ISAI 43:21

ka mipi hiding ah ka siamte, ka pâkna tâklang dingte dawn ding ka piak tâk ziakin.

ROMTE 8:15

Lau tak ah um kit ding ah suak hi’na thagau la chang puau in, cha hi’na thagau la chang uh a hizawi. Tichun, “Abba! He pa!” ti ah I ko phat ua leh,

JOSHUA 24:14

Ziaziakchun, tu’hin Lalpa lau dan thiam unla, titakzet leh dik tak in a na sêm un; la pu leh pateu in Luipi gâl lam leh, Aigupta gam ah a na a sep piak uh pathiante kha paitha sik sek unla, Lalpa na bep sêm tau in.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi:

SAM 51:6

Sunggil lam ah takna la dawi hi; tichun, ka lunggil sung ah hin pilna ei zilsak ta’n.

SAM 17:1

Aw Lalpa, thudik ka dotna ngai inla, ka kiko’na aw hi ngai in; zuauthepna pang lo mûkah kipat ka pauchapna hin la nakhang daw in.

1 SAMUEL 12:24

Lalpa chu lau him him phot mai unla, la lunggil zosiau in ama na chu sêm phot mai un; nang uh â ding ah bang gual ah thil lopi hun bawl piak a hem ti ngaitua zing zaw tau in.

JOHAN 16:32

A hun a hung tung tai, tu’ ma ma hin a hung tung tai, nangmau In lam chiat in ei nusia in la tiu in, keima ngen in ei nusia ding la hiu. Himaleh, kei ngen ka hi puai, Pa chun ei umpi zing hi.

JEREMIAH 4:2

“Lalpa min in!” ti ah kitiam ngam ah, thutak ah vaihawmna dik leh, umchan dik tak la zui uh chun, nam tinte chu keima maljawl ah um in, ei kisuanpi ta’n au.

JEREMIAH 3:10

Chutisapi’nle a suapinu, mi ginum lo Judah chunle a lungthim gil tak in ei zuan pua’n, a kilawm bep hawl ah ei bêl ahi, Lalpa‘n a tii.

THUPILTE 15:8

Mi nunsia kithoina chu Lalpa ki’dak lam tak ahi’n; mi lamzang pauchapna vang, a kipakna lam tak ahi.

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

ROMTE 1:9

A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

SAM 147:11

ama laute chung in Lalpa a kipak in, a ngilneina det thangai mite chung ngei ah chun.

EZEKIEL 22:30

A gam ka hi’siat lona ding ah, gam thasang ah ka ma-âng ah ding ah, a bâng siampha ding leh, a siatna mun ah pang ding a lak un mi ka hawl ah; himaleh, ka mu zo puai.

SOLOMON LÂ 2:14

Aw, ka vakhu, kawl suangpi lak ah um ah, kawldan kâl ah um sek; la mêl ei musak inla, la aw le ei hiatsak in; la aw chu a ngainop um in, la mêl le a ngaikâi hi.

SAM 32:2

Lalpa‘n khawlona nei ah a ngailo ah, a lungthim ah mi thepna him him umlo te chu mi hampha a hiu.

ISAI 10:20

Zia ni phat chuleh, Israelte lak ah a thibang sunte tawh, Jakob Inkuan ah a suakcha sunte chun, amau gawtte ah kinga talo in, Lalpa Israel Mithiangtho ah chun ti tak tak in kinga zaw ta’n au.

JOHAN 5:28

Zia hi maksa kiu in, a hun tung ding ahi tai; zia hun tak chuleh thân ah um zosiate chun a aw hia’n tiu in;

JOHAN 16:2

Sunagog ah kipatte’n hun kaidok intiu in; ahi, kuale nangmau hun that tapo chu Pathian ho in kingai in au, zia tawhbang hun chu hung tung pai ding ahi.