JOHAN 3:6 - PATHIAN LEKHABU THIANGTHO (BSI)

⁶ taksa ah piang chu taksa ahi’n, Thagau ah piang chu thagau ahi.

JOHAN 3:6 Referans Kwoze

2 KORINTH 5:17

Zaziakchun, kuale Khrista ah a um chun thilsiam thak a hung hi tai; thil luite chu a bei ta’n, en tiam un, thil zosia a hung thak kit tai.

1 JOHAN 3:9

Kuale Pathian ah piang chun, Pathian chi ama ah a um zing ziakin gitlo a bawl zing ta puai.

1 KORINTH 6:17

Ahi’n, kuale Lalpa tawh kizom chu ama tawh thagau pakhat ah hing khawm a hiu.

ROMTE 7:18

Keima ah hin (zia chu ka taksa ah hin ka ti’na ahi,) thilpha chu a um puai ti ka hia’i; keima ah hin thilpha hi’ nopna chu a um ah; himaleh a pha chu ka hi’ thei sek puai.

THILSIAM THU 6:12

Pathian in lei hi a en ah, a se zo ta’n; lei chung ah hinna nei zosia hindan dik ah a hin tâk lo ziak un.

SAM 51:10

Aw Pathian, keima ah hin, thinlung thiangtho siam inla; ka sung hin thagau thak leh dik koi ta’n.

JOB LEKHABU 25:4

Mihingte hi Pathian âng ah, bangti’n dik suak thei ding a hiu em? Numei sung ah piang chu bang ti’n, thiangtho ding a hiu em?

JOB LEKHABU 14:4

Thilbuak lak ah kipat thil thiangtho, kua’n ladok thei ding a hem? Kuama’n ladok thei pua’n au.

ROMTE 8:13

Taksa dan ah la um zing uh chun thi ngei ding la hiu; himaleh, Thagau ah chun taksa thilhi’te la thâ zing ua leh vang hing in lau.

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

KOLOSSA 2:11

Ama ah chun nanghaw chu khut hilo ah zektan la hitau in, taksa ah gitlonate chu liptha’n, Khrista ah zektan la hitau a;

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

JOHAN 1:13

Ziate chu thisan a hin ahi puau in, taksa dawi gual ah hinle ahi diak puau in, mihing dawi dan ah hinle ahi diak puau a, Pathian hin ahi zawu hi.

ROMTE 7:5

Taksa ah I um lai ua khan, Dan ah um zing gitlonate chun ei hun thunun thei sek in; thina ding lam ah chisuantu hi dingin I taksa bâkteu chu ei mat piak sek ahi.

THILSIAM THU 6:5

Chun, Lalpa’n lei chung ah mihing gitlo dan nasat zia leh a lungthim ngaituanau zosia le gitlona dim zing ahi ti a he ta’n.

THILSIAM THU 5:3

Adam chu kum za leh sawmthum ahi in, ama mêlpu chapa a hun nei ta’n, a min in Seth a sak a.

ROMTE 7:25

Jesu Khrista, I Lalpau jal ah chun Pathian kiang in kipak thu ka gen ahi. Tichun, keima lungthim sung lam ah chun Pathian dan in na ka sêm ah; himaleh, taksa lam ah chun gitlona dan in ka sêm ahi.

JOHAN 3:7

‘La pianthak ding ahi,’ ka ti hi maksa kin.