JOHAN 21:15 - PATHIAN LEKHABU THIANGTHO (BSI)

¹⁵ Chun, jing an a nêk zaw phat un, Jesu chun Simon Peter kiang in, “Simon, Johan chapa, nang in ziate haw sâng ah hin lei hepi zaw em?” ti’n a dong a. Ama chun a kiang in, “I, Lalpa, ka hun hepi hi ti la hia’i,” ti’n a dawnhu a. Ama chun a kiang in, “Ka belamnote vâk in,” a tia.

JOHAN 21:15 Referans Kwoze

ROMTE 15:1

Eimau a hatte hin, eimau kipakna ding mai hawl lo in, a hatlote titlona chu I ngaithiam diu ahi.

1 JOHAN 4:19

Ama’n ei hepi masak ziakin I hepiu ahi.

ISAI 40:11

Belam chingpa’n a belam hon an a piak gual in an a pia’n; belam note a khut in pâi khawm intin, a ângkawm ah pâi in, a belamte chu jaidam takin kaihuai in a.

1 PETER 1:8

Ama chu mu lo maleu chun la hepiu a. Tu’hin mu lo maleu chun la ging ua, kipakna gen theilo khop ah lopi’n la kipak uh ahi.

EPHESA 6:24

I Lalpau Jesu Khrista chuai lo ah hepite chung in, a hepina chu um zing ta hen. Amen.

NASEPTE 20:28

Pathian kochuamte, a chapa thisan ah a leisate chu vâk dingin, nanghaw leh la gan-gualteu chung ah chun chingthei un; Thagau Thiangtho in amau haw chu entup ding ah a hun koite chu la hingal un.

1 JOHAN 5:1

Jesu chu Khrista ahi ti ging zosia chu Pathian ah piang a hiu; chuleh, a hingtu hepi zosia’n a hinte le a hepi sek ui.

JOHAN 16:27

keima lei hepi ziak uh leh, Pa ah kipat hung ka hi dan la taksan tâk ziak un, Pa ngei chun nangmau a hun hepi hi.

JEREMIAH 3:15

Tichun, ka lungthim gual tak pu belamchingte hun pia’ng ka tin, amau chun hetna leh hetthiamna’n hun vâk in au.

EZEKIEL 34:23

A lak un amau chingtup ding David tawhbang tungding ing ka tin, amau vâk in, a chingpa hita’n a.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

LUKA 22:32

himaleh, la ginna a basap lona dingin ka hun pauchap piak hi; la hung kihei kit tak leh la suapite la hun suk-hat ding ahi,” a tia.

HEBRAITE 13:20

Tu’hin, chamna Pathian, Belampu lian, I Lalpau Jesu thina kipat kumtuang thuthung thisan jal ah kaithopa chun,

ROMTE 14:1

Ginna lam ah hat lo mi chu, la ngaidan thu mai ah kinialpi lo in, kipak tak in lop unla.

MATTHAI 16:17

Jesu’n a kiang in, Simon, Jonah Chapa, la hamphai! Taksa leh thisan in a hun hiatsak a hipua’n, van ah ka Pa’n a hun hiatsak ahi zawi.

JEREMIAH 23:4

Amau pha tak cha enkol ding, belampute hun tung ding ing ka; tichun, lau ta pua’n tiu in, beidong diak talo in, a lak ua mangthai le um ta pua’n au, Lalpa‘n a tii.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

1 PETER 2:2

Hukdamna la khanlet theina ding un, nausen piang limte gual in, thagau lam nawitui thiang chu ducha zing un;

GALATIA 5:6

Khrista Jesu ah chun zektan chu bangma a phachuam pua’n, zektanlo le bangma a phatchuamna a um puai; ginna ah hepina bep chu a phachuam ahi.

JOHAN 21:12

Jesu’n a kiang un, “Hung un la, an hung neu in,” a tia. A nungzuite chun Lalpa ahi ti a het ziak un, kuama’n, “Kua la hem?” ti’n a dong puau hi.

JOHAN 21:7

Nungzuite lak ah Jesu’n a hepi khan, Peter kiang in, “Lalpa ei vei!” a vak tia. Simon Peter chun Lalpa ahi ti a het phat in, a puanâk a âk ah, ama chu a ngawnchang ah um ahi’n, tui lak ah chun a chawmtha tai.

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

EPHESA 4:14

Diklo tak ah juauthepna gual ah, pil gûkkhel ah mihing thêm kawm ah, ziltilna thigua’n langkhat langkhat ah a mût lumlet thei ding ah naupang I hi’ tâk lona ding un.

1 KORINTH 8:11

Tichun, la hetna ziak ah chun, ama â ding ah Khrista thi ta, la suapi chu la manthaisak tai.

JOHAN 8:42

Jesu’n a kiang un, “Pathian chu la pau hileh keima ei hepi ding la hiu in; Pathian ah kipat ka hung pawt ah, zia tak hi hung tung ka hi’n. Keima nop thu hung ka hipua’n, ama’n ei sawl ah hung ka hi.

MARKA 14:29

Ziaphatchun, Peter in a kiang in, “Midang zosia jam leule kei chu jam pua’ng ka,” a tia.

LUKA 12:32

Lawi tawmchate haw, lau kiu in; lenggam hun piak ding hi la Pau kipakna lam tak ahi ngal a.

THILSIAM THU 33:13

Himaleh, Jakob chun, “Naupangte hi a hat nai puau ah, belam leh bawng hon, ka kiang ah umte hi a no nei a hiu ti ka lalpa’n la hiai; ni khat mai a chia hat tâk luat na ziak bep unle gan-gualte hi thi ziang thei ding a hiu.

MATTHAI 10:37

Kuale a nu a hem, a pa a hem, keima sâng ah hepi zaw chu, ka mi hi tâk ahi puai; kuale a chanu a hem, a chapa a hem, keima sâng ah hepi zaw chule ka mi hi tâk ahi puai.

2 LENGTE 20:3

“Aw Lalpa, ka lungthim zosia ginum tak ah la mit mu ah ka umdan leh la mit mu ah thilpha bep ka bawl sek dante hi hezing in, ti’n ka hun ni hi,” a tia. Tichun, Hezekiah chu ha-kâ in a kap tai.

2 SAMUEL 7:20

Aleh, la kiang ah David in bang dang genbe thei nalai ding ahi em? Aw Lalpa Pathian, nang in la suakpa hi la hechian ngal a!

JOHAN 13:37

Peter chun a kiang in, “Lalpa, bangatia em tu’hi ka hun zui theilo ding? Nangma ziakin ka hinnale pia’ng ka,” a tia

JOHAN 1:42

Tichun, ama chu Jesu kiang in a pui a. Jesu chun, “Johan chapa Simon la hi; himaleh, Tu’kipat hin Kipha ti hita’n la,” a tia (zia chu Peter ti’na ahi).

MATTHAI 26:35

Peter in a kiang in, nangma ziak ah thi ding hi lengle, hun kilepsan pua’ng ka, a tia. Zia gual ma chun a nungzui dangte’n le a hun ti chiat tau a.

MATTHAI 26:33

Peter in a dawnhu a, midang zosia jam leule ke’n vang hun jamsan pua’ng ka, a tia.

NASEPTE 20:29

Ka pawt daw nung tak leh ngei hangsante la lak un hung lut intin, belam honte hi hun hawi puan ah ti ka hia’i.

EZEKIEL 46:24

Ziaphatchun, ka kiang in, “Ziate hi mipite kithoina sa, Tempul ah nasêmte’n a huannau, anhuan In ahi,” ti’n ei hil a.