JOHAN 2:24 - PATHIAN LEKHABU THIANGTHO (BSI)

²⁴ Himaleh, Jesu’n a lungthim uh a het ziakin muang tak in a um puai;

JOHAN 2:24 Referans Kwoze

JOHAN 6:64

Himaleh, la lak un khenkhat a gingcha theilo la um ui,” a tia. Jesu chun, a tîl ah kipat in a gin lo uh chu a hiatsa him ahi’n; ama matsak dingpa chule a he him ahi.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

NASEPTE 1:24

Chun, a pauchap ua, “Lalpa, nang in mi zosia lungthim la hia’i. Zia mi panite lak ah la têl zawk chu ei hun hetsak in,

MATTHAI 9:4

Jesu’n a ngaitua nau chu a het phat in, “Bangatia, la lungthim ua thil gilo ngaitua la hiu em?

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

JOHAN 16:30

Nang in bangma zosia la hia’n, bangma dot la ngai ta puai, ti ka he tau hi; ziaziak hin Pathian kiang ah kipat hung pawt la hi ti ka gingcha tau hi,” a tiu a.

JOHAN 5:42

Himaleh, nangmau ah Pathian hepina a um puai, ti ka hia’i.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

JEREMIAH 17:9

Mihing lungthim chu thil dang zosia sâng in a sezaw’n, chinchan bei a hiziak in, kua a hem hethiam thei ding?

JOHAN 21:17

A thumveina chun, “Simon, Johan chapa, nang in kei lei hepi em?” a ti kit a. Peter chu, a thumveina, “Nang in lei hepi em?” a ti ziak ah chun a lungthim a na ta’n; a kiang in, “Lalpa, nang in bangkim la he hen, ka hun hepi hi ti le la hia’i,” a tia. Jesu’n a kiang in, “Ka belamte vâk in;

MARKA 2:8

Jesu’n zia gual ah a ngaituau chu a lungthim in a he pai ah, a kiang un, “Zia thu chu bangati leh la lungthim ua ngaitua la hiu em?

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

JOHAN 6:15

Ama chu a chamlo ah a lengpa ding ua siam ding ah, mat hung gua a hiu ti, Jesu’n a het ziakin, tâng lam ah chun ama ngawn in a chia mang tai.

JOHAN 1:42

Tichun, ama chu Jesu kiang in a pui a. Jesu chun, “Johan chapa Simon la hi; himaleh, Tu’kipat hin Kipha ti hita’n la,” a tia (zia chu Peter ti’na ahi).

DAN LEKHABU 31:21

Buaina huaisia tak a chung ua a hung tun phat leh, zia La hi a hetdawsaktu hung hita’n ah; a suanteu kam ah kipat hetmil ziang thei hilo ding ahiziak in. Tu’hun ziang ah hinle, ka tiamna gam ah ka puilût masang ziang hinle, a ngaitua danteu chu ka hiatsa him ahi ngâl ah,” a tia.

1 LENGTE 8:39

la chênna vân ah ngaitha’n la ngaidam in, mi tin a lungthim uh la het gual in dit in; mi tin a umdan tawh kigûn chiat in thuk in; nang bep in mihing lungthim la he ngâl a;

NASEPTE 15:8

Pathian, mi zosia lungthim he pa chun, ei haw chung ah a tunsak gual gual in amau haw chung inle Thagau Thiangtho chu a tunsak in a hiatsak tai,

JOHAN 4:16

Jesu’n a kiang in, “Chia inla, la pawsal vako inla, zia tak hin hung kit in,” a tia.