JOHAN 19:26 - PATHIAN LEKHABU THIANGTHO (BSI)

²⁶ Jesu’n, a nu leh a nungzui a hepi kha a kiang ah ding zing a mu’n, a nu kiang in, “Numei, la chapa kha en in!” a tia.

JOHAN 19:26 Referans Kwoze

JOHAN 21:24

Zia lekha hun zik ah, zia thil umdante genpa hi, zia nungzuipa chu ahi; a thu hiatsak le a dik hi ti I hiau hi.

JOHAN 20:2

A hung tai ah, Simon Peter leh Jesu’n a hepi nungzui kiang in a hung a, “Lalpa kha thân ah kipat in a la kila mang tai, khoi ah a koi uh a hem ka he ta puai,” a hung ti’n.

JOHAN 13:23

zia lai tak ah chun nungzuite lak ah pakhat, Jesu’n a hepi chu a âng in a kinêl a;

JOHAN 2:4

Ahi’n, Jesu’n a kiang in, “Numei, nang leh kei kisakla’na ding bang a hem um, ka hun a tung nai puai,” a tia.

JOHAN 21:7

Nungzuite lak ah Jesu’n a hepi khan, Peter kiang in, “Lalpa ei vei!” a vak tia. Simon Peter chun Lalpa ahi ti a het phat in, a puanâk a âk ah, ama chu a ngawnchang ah um ahi’n, tui lak ah chun a chawmtha tai.

JOHAN 21:20

Peter chu a hung kihei leh Jesu’n a hepi nungzuipa kha a hun zui in a mu’n; ama chu a jan an nêk lai ua a kiang ah kinêlcha, “Lalpa, kua a hem a hun matsak ding pen chu?” tia vak dongpa kha ahi.