JOHAN 18:36 - PATHIAN LEKHABU THIANGTHO (BSI)

³⁶ Jesu’n a dawnhu a, “Ka lenggam chu zia khawvel hi ahi puai. Ka lenggam chu zia khawvel hi hileh vang, ka sepaite’n hun do intiu in, zia Judate ei piak daw thei ding hin um pua’ng ka. Ka lenggam chu zia tak hi ahi puai,” a tia.

JOHAN 18:36 Referans Kwoze

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

JOHAN 6:15

Ama chu a chamlo ah a lengpa ding ua siam ding ah, mat hung gua a hiu ti, Jesu’n a het ziakin, tâng lam ah chun ama ngawn in a chia mang tai.

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

1 TIMOTHI 6:13

Pathian, thil bangkim hinna pepa leh Khrista Jesu, Pontia Pilat ma ah puandawna pha puangpa âng in thu ka hun pia ahi:

MATTHAI 26:53

Ei panpi ding in ka Pa kiang in don leng, ama chun vansawlchâkte sang guk mun sawm leh ni sâng ah tam zaw le hun sawl thei ahi ti helo la hiu em?

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

LUKA 12:14

Ama chun a kiang in, “Lawm, la chung ua vaihawm ding leh thil hawm piak dingin kua’n ei guat ah a hem?” a tia.

JOHAN 8:15

Nang hawn mihing dan bep in thu la tan sek un, keima’n vang kuama thu ka tan puai.

JOHAN 18:35

Pilat chun a dawnhu ah, “Kei hi Juda mi eisa la hem? Nangma chipite ngei leh thiampu lalte’n ka kiang ah a hun pui uh la hi. Bang a la bawlkha la hi em?” a tia.