JOHAN 18:11 - PATHIAN LEKHABU THIANGTHO (BSI)

¹¹ Peter kiang in Jesu’n, “La chemjam kha a pâi ah thun kit ta’n. Ka Pa’n ka dawn ding ah ei piak no hi dawn lo ding ka hia hem?” a tia.

JOHAN 18:11 Referans Kwoze

MATTHAI 26:39

Ama chu a vachia gamla chuam deu ah, bokkhup in a pauchap a, Aw he Pa, a hi’thei leh zia no hin ei pêl mai hen: himaleh, keima thu hilo in, nangma thu thu hizaw hen, a tia.

MATTHAI 20:22

Himaleh, Jesu’n a dawnhu a, la thildot hi bang a hile helo la hi. Ka no dawn ding chu dawn thei ding la hiu ah a hem? a tia. Amau chun, thei ing kau, ti’n a dawnhuu a.

JOHAN 20:17

Jesu’n a kiang in, “Ei tu kin, tu’tiang hinle Pa kiang ah ka kal to nai puai; himaleh, ka unaute kiang ah vachia’n la, a kiang un, ‘Ka Pa, la Pau, ka Pathian, la Pathian kiang un kal to ding ka hi, a tii,’ vati’n,” a tia.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

2 KORINTH 10:4

Ei uh kigâlvannate chu taksa thil a hipua’n, kulpi det takte phiatna ding ah Pathian thilhithei tak chu ahi zawi.

LUKA 22:42

“He Pa, lem la sak leh, zia no hi ei lâkchawn piak in; ahi’n la, keima thu hilo in nangma thu hizaw hen,” a tia.

MATTHAI 26:42

A niveina dingin a vachia kit ah, a pauchap kit a, Aw Pa, zia no hi ka dawn lo ah ei pêl theilo ding hial ahi chun nangma thu thu hi hen, ti in.

2 KORINTH 6:7

thutakna leh Pathian thilhitheinate chu nei in, changlam leh veilam ah dikna gâlvan ah kivan in;

JOHAN 18:36

Jesu’n a dawnhu a, “Ka lenggam chu zia khawvel hi ahi puai. Ka lenggam chu zia khawvel hi hileh vang, ka sepaite’n hun do intiu in, zia Judate ei piak daw thei ding hin um pua’ng ka. Ka lenggam chu zia tak hi ahi puai,” a tia.

JOHAN 17:24

He pa nang in lei piak lopina chu nang in lei piak haw hin a mutheina ding un, keima umna chun ka kiang ah amau hawle um leu ka ti ahi; lei chung pia’n ma’nle nang in lei hepi ahi tangal a.

LUKA 12:30

Zia thilte zosia hi khawvel ah namtin in a hawl ui; himaleh, la Pau chun la mamawu zosia chu a henai.

EZEKIEL 23:31

La suapinu dung la sûn ziakin, a dawn ding chu nang dawn ding inle ka hun piak ahi tai.

SAM 75:8

Lalpa khut ah chun a lungnatna no a um in, a lungnatna uain pha tak ah chawhel zaw ahi; zia chu hun sungtha’n tin, khawvel ah mi nunsiate zosia’n chîpkang in au.

2 SAMUEL 16:10

Himaleh, lengpa chun, “Nanghaw Zeruiah chapate haw, bang a hem la kisakla piu? Lalpa‘n a kiang ah, ‘David hânsia valaw khum in,’ a ti hi kha leh, kua’n bangti awimaw thei ding a hem?” ti’n a dawnhu a.