JOHAN 17:21 - PATHIAN LEKHABU THIANGTHO (BSI)

²¹ amau hawle pumkhat ah a um theina ding un. Nang ka Pa, keima ah la um ah, keima le nangma ah ka um gual in; amau le eimau ah a um ua, khawvel in keima hi nang ei sawl ka hi ti a ginchâk theina ding un.

JOHAN 17:21 Referans Kwoze

1 KORINTH 12:12

Taksa hi pumkhat ahi’n, bâk tam tak a nei hi; a bâkte chu tam maleh taksa pumkhat ahi; Khrista chu zia gual chu ahi.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

PHILIPPI 1:27

Banghitaleh, la umdan uh chu Khrista chanchinpha tawh kituak sak phot tau in; ka hung ah nang uh hung mu a hem, ahiloleh, ka umlo lai ah le thagau munkhat ah la dindet dan uh leh, lungthim munkhat nei ah chanchinpha ginna la pan dan uh chanchin ka hettheina ding in.

JOHAN 13:35

La kihepiu chun mi zosia’n ka nungzuite la hiu ti hun hethei ta’n au,” a tia.

NASEPTE 4:32

A gingte zosia chu lungthim leh ngaituana munkhat in a um un; a lak ua kuama’n a thil neiteu chu, kei â chuam ahi tilo in, a thil nei zosiau a kikop sek ui.

ZEKARIAH 14:9

Chun, leilung pumpi’n Lalpa chu leng hung hita’n a; zia hun chuleh Lalpa leh a min bep chu biak hita’n a.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 10:38

Ahi’n la, ka sep ahi chun, kei ei taksang lo maleu chinle, thil kibawlte bêk hi taksang un; Pa keima ah um ti leh, keima Pa ah ka um ti la het ua, la taksan theina ding un,” a tia.

JOHAN 10:30

Kei leh ka Pa chu pumkhat ka hiu,” ti’n a dawnhu a.

GALATIA 3:28

Zia tak ah chun Juda mi a um ta pua’n, Grik mi le a um ta puai; zia chun suak a um ta pua’n, suak lo le a um ta puai; chuleh, pawsal leh numeile a um chuam ta puai. Khrista Jesu ah chun la leng un pumkhat la hingal un.

1 KORINTH 1:10

Tu’hin, unaute haw, la leng ua thu kibang gen ah, kikhen lo ah, lungthim leh ngaituana mun khat ah la kizopna ding un, Lalpa Jesu min in ka ni la hiu.

ROMTE 12:5

zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui.

JEREMIAH 32:39

Amau leh a tu leh chateu tiang â ding ah thilpha a hitheina ding ah, kumkhua ei lau theina ding un, lungthim ngaituana leh tawidan kibang pia ding ka hi.

1 JOHAN 5:7

Hiatsaktu pathum a um hi:

NASEPTE 2:46

Nisi’n in tempul ah hun a mat khawm sek ziak un, a In un vaithum a phel sek ua, a anteu chu lungthim kipak leh huangphal tak in a ne sek ui.

JOHAN 17:25

Aw ka pa midik tak, khawvel in nang a hun hepua’n, keima’n vang ka hun hezing hi; ziate hinle nangma ei sawl ka hi ti a he tau hi.

JOHAN 10:16

Zia belam huang ah hilole belam dang ka nei nalai hi; amau haw chule hun pui ding ka hi, ziate chunle ka aw hun hia’n tiu in, belampu pakhat nuai in, huang khat ah hung lawi khawm ding a hiu.

ZEPHANIAH 3:9

Ziaphat chuleh, mipite pau thiangtho in then piak ing ka tin, lungthim kithu gual ah Lalpa min chu, a hun ko ua, a na a sep khawm theina ding un.

JOHAN 17:3

Zia hi kumtuang hinna chu ahi, Pathian tak khat bep nangma leh la sawl Jesu Khrista a het uh hi.

JOHAN 5:23

Ziaziakchun, mi zosia’n Pa a ja gual un, Chapa le a ja diu ahi. Kuale, Chapa jalote chu, Pa, ama hun sawlpa jalo a hiu.

JOHAN 3:17

Pathian in khawvel thiamlo chansakna dingin, a Chapa khawvel ah a hun sawl puai, ama ziak ah khawvel hukdam ah a umna dingin a hun sawl zaw ahi.

JOHAN 17:18

Nang in khawvel ah lei sawl gual khan, keima’nle amau khawvel ah ka sawl hi.

JOHAN 11:42

Keima hi lei la ngaitha zing hi ti le ka hia’i; ahi’n, zia mipite, ka kiang ah dingte ziak ah hin nang in lei sawl ka hi dan a hun taksan theina ding un, zia hi ka ti ahi,” a tia.

JOHAN 17:20

Ziate â ding bep hin ka don puai, amau haw thugen ziak ah keima ei hun ging dingte â dinginle ka pauchap hi;

1 KORINTH 6:17

Ahi’n, kuale Lalpa tawh kizom chu ama tawh thagau pakhat ah hing khawm a hiu.

1 JOHAN 1:3

Kei un ka musau leh ka hiatsau ma chu la kiang unle ka tâklang uh ahi: Tichun, nang unle kei uh tawh kipawl khawmna la neitheina ding un; I kipawl khawmnau chu, Pa tawh, Chapa Jesu Khrista tawh ahi.

MARKA 3:24

Gam pakhat chu amau leh amau kido leu, zia gam chu dingdok thei pua’n tin;

JOHAN 13:32

Ama ah Pathian choihoi ah a um chun, Pathian in ama chule chawihoi ngal in a.