JOHAN 17:13 - PATHIAN LEKHABU THIANGTHO (BSI)

¹³ Tu’hin, nangma kiang ah hung ding ka hi tai; zia thute hi khawvel ah hin ka gen tai; amau ah ka kipakna a bukim theina dingin.

JOHAN 17:13 Referans Kwoze

HEBRAITE 12:2

I ginnau siampa leh subukimpa, Jesu lam chu en zing hitiu; ama chun a malam ah kipakna chu thîl in, mualphona chu ngainêp in kros chu a thuak ah, Pathian lalchutpha changlam ah khin a hang kichu tai.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

JOHAN 15:11

Ka kipakna nangmau ah a um zing ah, nangmau kipakna le sukbutin ah a umtheina dingin, la kiang un zia thute hi ka gen ahi.

JOHAN 3:29

Mo neipa chu mo-pa chu a hisek hi; himaleh, mo-pa dinpi a gualpa chun, a thu a la hetpi in, zia mo-pa thugen ziak ah chun nasa tak in a la kipak sek hi; zia gual ma chun, zia hi ka kipakna bukimna chu a hi.

1 JOHAN 1:4

I kipaknau a bukim theina dingin zia thute hi ka hun zik uh ahi.

JOHAN 13:3

Jesu chun, Pa’n bangkim a khut ah a koi leh, Pathian ah kipat hung ahi’n, Pathian kiang ah chia kit ding ahi dante chu hezing in;

2 JOHAN 1:12

La kiang ah gen ding tam tak ka nei hi; himaleh, lekhapêk leh lekhatui ah zik ka nuam puai; zia sâng ah chun, la kipaknau a bukim theina dingin la kiang ua hung ah, kimaitua ah kiho ka kinem hi.

ROMTE 14:17

Pathian gam hi nêk leh dawn thu a hipua’n, Thagau Thiangtho ah dikna, thamuanna leh kipaknate a hizaw ngal in.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

SAM 126:5

Mitthi pum ah tûte chun lim tak ah, kiko kawm in lakhawm in au.

SAM 43:4

Tichun, Pathian mâichâm ah chia ing ka tin, ka limna pen Pathian kiang ah chun. Aw Pathian, ka Pathian, tingtang in hun chawihoi ing ka.

NEHEMIAH 8:10

Chuleh, a kiang un, “Chiau inla, an tui pen ne’n, uain thum tak chu dawn unla; bangma neilote â dinginle a chanvo ding uh thot piak un; zia ni hi I Lalpau â ding ah ni thiangtho a hi’ngâl in; lungngaina’n mang kiu in, Lalpa kipakna chu la hâtnau ahi ngâl in,” ti’n a gen a.

NASEPTE 13:52

Nungzuite chu kipakna leh Thagau Thiangtho in a dim tau hi.

JOHAN 7:33

Ziaphatchun, Jesu’n a kiang un, “Hun chomkhat sung la kiang un um ing ka tin, ziazaw chuleh ei sawlpa kiang ah chia ding ka hi tai.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.