JOHAN 16:11 - PATHIAN LEKHABU THIANGTHO (BSI)

¹¹ vaihawmna thu’n thiamlo chang in au, zia khawvel vaihawmpa hi a dik lo ziak in.

JOHAN 16:11 Referans Kwoze

JOHAN 12:31

Tu’ ma ma hin zia khawvel hin vai a hawm hi; tu’hin zia khawvel vaihawmpa hi paidaw ah um ding ahi tai.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

HEBRAITE 2:14

Naupangte chu taksa leh thisan changte ahiziak un, ama ngei inle zia ma chu a hung chang a; thina ziakin thina chung ah thuneipa Diabol chu a sukmanthai theina ding in.

KOLOSSA 2:15

Thuneina leh thilhitheinate chu liptha’n, kros ah chun ziate chu zo in kilang tak in a etsak tai.

2 KORINTH 4:4

Khrista Pathian kibatpi, a lopi dan chanchinpha vâk in a salvâk theilona dingin, amau chu ahileh zia khawvel pathian hin ginglote lungthim chu a sukthûm piak ahi.

JOHAN 14:30

Tu’khêl vang la kiang un thu tampi gen ta pua’ng ka; zia khawvel vaihawmpa hi a hung tâk ziak in; ahi’n la, ama chun keima chung in thu neina a nei puai.

THUPUAN 1:7

En un, ama chu sûmpi khi tawh hung ding ahi, mit zosia’n hun mu’n au, a nâk a la sunte ma ma khanle; chuleh khawvel ah nam zosia’n ama chu sûn in kâ in au. Ahi, Amen.

2 PETER 3:7

Himaleh, zia thu ma ziak ah chun, tu’ ah vante leh leisiat um nalaite hi, mei ah hâl tum ding ah koi a hiu in, Pathian ngaisak lo mite chu vaihawm ni leh manthaina ni ah suksiat ding ah khêk in a um tadi ahi.

HEBRAITE 9:27

Mihing â dingin khatvei thi guatsa ahi’n, ziazaw chuleh vaihawmna um in a.

HEBRAITE 6:2

baptisma thugin thu, khutngat thu, mithi thawkitna thu, kumtuang vaihawmna thute kihil thak kit talo in.

EPHESA 2:2

malai khan zia khawvel dan gual hin la um un, beingawn ah thuneina lal, thu awilo chate sung ah sêm zing pa thagau dan gual ah chun la um ui.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

NASEPTE 10:42

Mite kiang ah a thu gen ding leh, ama chu mihing leh mithite chung thu vaihawmtu ding ah Pathian in a namdet ahi dan, hiatsak dingin ei sawl a.

LUKA 10:18

Himaleh, ama’n a kiang un, “Setan van ah kipat kawlphe gual ah hung ketha ka mui.

MATTHAI 12:36

Himaleh, ka hil la hiu, vaihawm ni tak leh vang mitin in a thu manlo genteu zosia kha hun gendok kit sik sek ding a hiu.

MATTHAI 12:18

“En tiam un, ka nasemtu ka têlchuam, ka lungsiat leh a chung ah ka kipakna ma ma: ama chung ah chun ka Thagau koi ing ka tin, ama chun Jentelte kiang in ka vaihawmna thu chu puang in a.

SAM 68:18

Tângsâng tak in la kal to ah, sal ah matte chu la pui ah; mihingte lak ah kipat leh, zia tak ah Lalpa Pathian a chênna ziak ah, mi kiphin hâtte natiang ah kipat in, thilpiakte la dong hi.

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

ROMTE 16:20

Tichun, chamna Pathian chun Setan chu la kengpêk nuai un chuan jawt vak ta’n a. Lalpa Khrista lungsiatna chu la kiang un um ta hen.

ROMTE 2:16

Ka chanchinpha gen gual ahin, zia ni phat chuleh, Pathian in mihing lunggil ngaituana zosia chu, Jesu Khrista ah chun vaihawm piak ding ahi.

NASEPTE 26:18

a mit uh hi’vâk ding leh, thim lak ah kipat vâk ah pui lût ding leh, Setan thilhitheina kipat Pathian lam ah pui ding leh, a gitlonau ngaidam a hung hiu ah, keima ah um ginna sukthian ah umte tawh golua ding ah pui dingin, ti’n ei hun dawnhu a.

NASEPTE 24:25

Paul in dikna thute, kisûmna thute, vaihawmna hung tung ding thute pha tak ah a gen phatin, Felik chu a kithing hial a, “Chia kit phot in; hun lemchâng ka nei phat leh hun ko kit ing ka,” a tia.

JOHAN 16:12

La kiang un gen ding tam tak ka nei nalai hi; himaleh, tu’hin la tin tadi puau hi.