JOHAN 15:5 - PATHIAN LEKHABU THIANGTHO (BSI)

⁵ Keima hi grep guipi chu ka hi’n, nang uh a bâkte chu la hiu. Kuale keima ah um ah, keile ama ah ka umna chu, zia mi ngei chun ga tampi a hun sua sek hi; keima lo in bangma la hi’thei puau hi.

JOHAN 15:5 Referans Kwoze

PHILIPPI 4:13

Ei hi’hatpa Khrista jal ah chun bangkim bawlthei ka hi.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

THUPILTE 11:30

Midik ga chu hinna thing ahi’n; thagum sua chîngte chun hinna a lamang sek ui.

2 KORINTH 13:8

thutak ding ah beplo ngal in thutak do-na dingin bangma hi’thei pua’ng kau.

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JAKOB 1:17

Thilpiak pha leh thilpiak buting taphot hi chung lam ah kipat, vâkte pa kiang ah kipat ahi’n, ama chu danglam lo leh thimna umlo ahi.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

JOHAN 12:24

Titakzet in ka hil la hiu, Bu changkhat lei ah a kiak ah, a thizet lo chun, a ngai ngai in a um zing sek hi; himaleh, a hung thizet tak leh chu tam tak in a ga sek hi.

ROMTE 7:4

Zia gual ah chun, ka suapite haw, nang uh hi Khrista taksa ah chun Dan thi’san ah um la hitau ah; Pathian â ding ah chi suantu I hung hitheina ding un, thina kipat ah thokit ngei chu kichenpi la hitau ahi.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

JOHAN 9:33

Zia mi hi Pathian ah kipat mi hiloleh vang, bangma hi’theilo ding a hi,” a tia.

PHILIPPI 4:17

Thilpiak chu hawl ka hipua’n; nangmau ah ga hung piang chu hawl ka hizawi.

ROMTE 6:22

Tu’hin vang chu gitlo ah kipat pawt in, Pathian suakte la hung hiu hin, phatchuamna la muu chu sukthianthona ahi; zia tawpna chu kumtuang ah hinna ahi.

NASEPTE 4:12

Midang kuama kiang in hukdamna a um puai, van nuai mihing minsak lak ah ei hukdam thei ding min dang piak in a um pawngal a,” a ti’n.

1 KORINTH 12:12

Taksa hi pumkhat ahi’n, bâk tam tak a nei hi; a bâkte chu tam maleh taksa pumkhat ahi; Khrista chu zia gual chu ahi.

1 PETER 2:4

Ama chu suanghing, mihingte doilo himaleh, Pathian têl leh man tam chu ahi;

1 KORINTH 12:27

Nanghaw hi Khrista taksa ah a bâkte la hi chiat ui.

EPHESA 5:9

Thagau ga chu phatna zosia leh dikna leh thutak ahi ngal a.

2 KORINTH 9:10

A the’pa kiang ah a chi pepa leh nêk ding ah vaithum pepa chun la the’ ding uh thâichi chu pia’n, hi’pun piak intin, la dikna gau le hi’pun piak in a.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

ROMTE 12:5

zia gual ah chun eihaw hile Khrista ah taksa pumkhat ah um in, I chang chiat un, bâkte lak ah pang I hi chiat ui.

1 KORINTH 10:16

Maljawlna no ah maljawlna ka piak uh hi, Khrista thisan kikoppina hilo a hem? Vaithum ka thap sek uh hi, Khrista taksa kikoppina hilo a hem?

HOSEA 4:8

Ka mite gitlona chu kivâkna’n a mang un, a thulim lo’nau ah chun a huaihap ui.

MATTHAI 13:21

himaleh, a lunggil tak ah zung thâksak lo ah, sawt umsak zolote, thu ziak ah sukgentheina bang, haksatna bang a hung um tak leh pûk ziang sekte hi a hiu.