JOHAN 15:24 - PATHIAN LEKHABU THIANGTHO (BSI)

²⁴ Midang in thil a la hi khâk ngailote a lak ua hi’lo hileng chu, gitlona nei hipua’n au; tun ahileh vang chu, kei leh ka Pa chu ei mu tau in, huat le ei haw tau hi.

JOHAN 15:24 Referans Kwoze

JOHAN 14:9

Jesu’n a kiang in, Philip, zia chanpi hi la kiang in ka um ta’n, ei he diak nai lo la hi maw? Kuale kei ei mu chu Pa mu ahi; Pa chu kei uh ei musak in, bangtidan ah la ti a hem?

JOHAN 5:36

Himaleh, Johan sâng ah hiatsakpa lopi zaw ka nei hi. Zia chu, Pa’n ka sep zaw ding ah ei piakte ka sep zaw hin, zia nasep ngei chun, Pa ei sawl ka hi’dan kichian tak in a hiatsak ahi.

JOHAN 10:37

Ka Pa nasep ka sep lo chun ei taksang kiu in.

JOHAN 10:32

Himaleh, Jesu’n, “Ka Pa ah kipat in nasep pha tam tak ka hun etsak tai. Bang pen ziak ah chu suang ah ei se gua la hiu em?” a tia.

JOHAN 9:32

Khawvel kisiam lim ah kipat in, mi a pian ah kipat mitthûmte mit hi’vâk piak I hekha nai puau hi.

JOHAN 7:31

Tichun, mi tam tak in ama chu a hun gingcha tau a, Messiah chu a hung tak leh le zia pa thilmak bawl sâng ah tam zaw hi bawl diak ding a hem? a tiu a.

JOHAN 3:2

Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

MATTHAI 9:33

Thitha chu a deldaw phatin pautheilo chu a hung pau tai. Tichun, mite chun mak a sa ma mau a, “Israelte lak in zia gual hi a la kimu kha ngai puai,” a tiu a.

DAN LEKHABU 5:9

Zia tawhbang chu ho lo ah a nau le la sep lo ding uh ahi; keima Lalpa la Pathian uh hi Pathian thikthusia, pate gitlona ziak ah a chate gawt sek, ei pâmpaite chu a suan thumna leh a suan li’na tiang ah gawt sek leh,

JAKOB 4:4

Ângkawmte haw! Khawvel tawh kijawlna chu Pathian mêlma hi’na ahi ti la hepuau em? Ziaziakchun, kuale khawvel tawh kijawl nuam chu Pathian mêlma a hisek hi.

2 TIMOTHI 3:4

juauhatte, thunung ngaitualote, kimisakte, Pathian hepi sâng ah ama kinoptelna ngaina zaw te;

ROMTE 1:30

demhatnate, Pathian huatnate, musitnate, kiletsaknate, uannate, gitlo thil pandokte, nu leh pa thu awilonate;

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 2:22

Nanghaw Israel mite haw, ka thugen hi a la ngai un: Nazareth Jesu, Pathian in a hetpi ngei kha, ama mang in Pathian in la lak un thil lopi takte, thilmakte leh tepte’nate a bawl ah, zia chu nangmau ngei inle la hiatsau ahi’n,

JOHAN 12:45

Kuale keima ei mu chu, ei sawlpa mu ahi.

JOHAN 6:36

Himaleh, ka hil la hiu, nanghaw hin lei mu zing un, ahi’n, lei gingcha puau hi.

LUKA 24:19

Ama chun, “Bang thu em,” ti’n a dong a. Amau chun, “Nazareth Jesu, Pathian leh mi zosia mit mu ah a thu leh thilhi ah jawlnei minthang tak chanchin,

MARKA 2:12

Tichun, ama chu a tho ah, a lupna chu a la, a leng ua mit mu in a pawtdok ta’n, a leng un mak a sa ma mau ah, Pathian a chawihoi tau a, ‘Zia gual him him hi I la mu ngai puau hi’ ” a tiu a.

MATTHAI 21:32

Johan kha dikna lampi chu haw in a hung ah, himaleh, ama chu la taksang puau ah; sedawlte leh nawchizuakte’n a taksang ui, nang un vang ama chu muzing napi’nle, la taksan theina ding un la lung uh la hei nuam puau hi, a tia.

MATTHAI 11:5

Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

THUPILTE 8:36

ei mu lo tapo chu vang, ama leh ama kihiliam ahi’n; ei muda zosia chu thi’na dawi a hiu, ti in.

SAM 81:15

Lalpa hawte chu amau lau in kûn in au; a siatnau chun vang kumtuang dai ding ahi tai.

PAWTDAWNA THU 20:5

Zia haw âng ah chun bokkhup kiu inla, a nau le la sep lo diu ahi; Kei Lalpa, la Pathian uh hi doichilgil Pathian, pate gitlona chu ei pom lo a chateu chung ah a khang thumna leh a khang li’na tiang ah phuba la sek ka hi’ngal a.

JOHAN 12:10

Tichun, thiampu lalte chun Lazar le tha theina ding a ngaituau a;

JOHAN 9:41

Jesu’n a kiang un, “Mitthûm hileuchin gitlona neilo ding la hiu a; ahi’n, ‘Ka muthei nai,’ la ti ziak un, la gitlonau ah um zing la hiu hi,” a tia.

JOHAN 15:21

Himalehle, zia thil zosia hi ka min ziakin la chung un hun bawl in au, kei ei sawlpa a het lo ziak un.

JOHAN 15:22

Keima hung lo in, a kiang un thu hung gen lo hileng chu, gitlona neilo hiding a hiu a; himaleh, tu’hin vang a gitlonau suanlam ding bangma a nei ta puau hi.

JOHAN 15:23

Kuale keima ei hua chu ka Pa le hua ahi.

JOHAN 16:9

Gitlona thu’n thiamlo chang in au, keima ei gin lo ziak un.