JOHAN 14:9 - PATHIAN LEKHABU THIANGTHO (BSI)

⁹ Jesu’n a kiang in, Philip, zia chanpi hi la kiang in ka um ta’n, ei he diak nai lo la hi maw? Kuale kei ei mu chu Pa mu ahi; Pa chu kei uh ei musak in, bangtidan ah la ti a hem?

JOHAN 14:9 Referans Kwoze

KOLOSSA 1:15

Ama chu mu theilo Pathian mêlpu ahi’n, thilsiam zosia lak ah piang masa pen ahi.

JOHAN 12:45

Kuale keima ei mu chu, ei sawlpa mu ahi.

JOHAN 14:7

Keima ei he hileuchin, ka Pa le he ta ding la hiu a; tu’kipat hin ama chu la he tau ah, mu le la mu tau ahi,” a tia.

HEBRAITE 1:3

Ama chu Pathian lopina vâk kilatna leh Pathian hina mêl taklangpa ahi’n, a thu thilhitheina chun bangkim a tungding ah, ama chun I gitlonateu a sukthian nung in, chungnung pen leh lopi pen chang lam in a hang kichu tai.

JOHAN 10:30

Kei leh ka Pa chu pumkhat ka hiu,” ti’n a dawnhu a.

JOHAN 1:14

Tichun, Thu chu taksa’n a hung chang a, I lak un a hung chêng ah, Pathian Chapa changkhat neisun lopina chu ahi’na gual tak in, hepina leh thutak ah dim in I la muu ahi.

PHILIPPI 2:6

Ama chun Pathian gual ah um, Pathian tawh kibang ah um chu, thil khiaklâ thei ah ngailo in;

JOHAN 14:20

Ziaphat chuleh, nang un keima Pa ah ka um leh, nangmau ah kei um ka hi’dante hi hun hechian ta’n lau.

MARKA 9:19

Ama chun a kiang un, “Aw khangthak ginna neilote haw! Bangchan hun umpi nalai ding ka hi em? Bang chan hun kithuapi nalai ding ka hem? Ama chu ka kiang in hun pui un,” a tia.

LUKA 12:56

Nanghaw miphalêmte haw! Khua leh van umdante hawle la hethiam ui; bangtidan ah hun umdante hi hethei lo la hiu em?” a tia.

1 KORINTH 15:12

Khrista chu thina kipat thokit ta ah gen in a um zo tangal in, bangtidan ah la lak ua khenkhat in mithi thawkitna a um puai ti thei la hiu em?

JEREMIAH 2:23

“Ka subuak pua’n, Baal le ka zui puai,” ti’thei ding la hem? Phâijawl ah la tat dan chu en inla, la thilbawl chu he ta’n; sangawngsau kitualtha la bang ah,

SAM 11:1

Lalpa chu ka bêlbul ahi; bang ding ah vacha gual ah, “tâng lam ah lêng mang in,” ei ti ding la hem?

THILSIAM THU 26:9

Abimelekh in Isak chu a ko ah, “La ji ngei ahina hilam: bang ding ah, ‘Ka suapinu ahi,’ la ti a hem?” a ti’n. Isak chun, “Ama ziakin thi kha’ng ka ti ka lau ah ahi,” ti’n a dawnhu a.

JOHAN 8:19

Ziaphatchun, amau chun a kiang in, “La Pa chu khoi ah um a hem?” a tiu a. Jesu’n a dawnhu ah, “Nanghaw hin, keima lei hepuau in, ka Pa le la he diak puau hi. Keima ei he hileuchin, ka Pa le he ziang ding la hiu,” a tia.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.