JOHAN 14:23 - PATHIAN LEKHABU THIANGTHO (BSI)

²³ Jesu’n a dawnhu ah, min keima ei hepiu chun ka thu jawm intiu in; zia tak chuleh ka Pa’n amau chu hepi in a; chuleh, a kiang un hung ing ka tiu in, amau ah chun hung chêng ding ka hiu.

JOHAN 14:23 Referans Kwoze

JOHAN 14:21

Kuale ka thupiakte nei ah jawm chu, keima ei hepi ahi’n; kuale, keima ei hepi chu, ka Pa’n le hepi ding ahi, keima’nle ama chu hepi ing ka tin, a kiang ah kimusak ding ka hi, a tia.

JOHAN 14:15

Nang un lei hepiu leh ka thupiakte jawm in lau.

1 JOHAN 2:24

A lim ah kipat la het uh kha nangmau ah umsak zing un. A lim ah kipat la het uh chu nangmau ah a um zing chun, Chapa leh Pa ah um zing in lau.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

2 KORINTH 6:16

Milimte leh Pathian biak inle bang a hem kituakna a nei uh? Ei uh chu Pathian hing biak In I hingal un: Pathian chun: “Amau ah chun chêng in, a lak un vâkvêl ing ka tin, a Pathian uh hi’ng ka tin, amau le ka mite hi’n au.

SAM 91:1

Nang Chungnung Penpa bitna mun ah chêng ah, Bangkim Hi’theipa lîm nuai ah um zingte chun,

JOHAN 10:30

Kei leh ka Pa chu pumkhat ka hiu,” ti’n a dawnhu a.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

JOHAN 6:56

Kua’nle, ka taksa hi a nêk ah ka thisan a dawn chun, keima ah chêng ahi’n, keima le ama ah chun ka um ahi.

JOHAN 14:17

Zia chu Thagau thutak ah um, khawvel in a mu lo leh a het lo ziak ah a la chan theilo kha ahi. Himaleh, ama chu la kiang ua um zing leh, nangmau ah chêngden ahiziak in la henau hi.

THILSIAM THU 1:26

Ziaphatchun, Pathian in, “I kibatpiu, eimau gual mêlpu’n mihing siam hitiu; amau chu tuisuagiat ah sangate chung leh, chunglêng vachate, gancha leh gamsa zosiate chung leh lei chung ah bokvâk zosia chung ah thu neisak hitiu,” a ti’n.

THUPUAN 21:22

A sung ah chun tempul ka mu pua’n, Lalpa Pathian Bangkim Hi’thei leh Belamno chu a tempul uh ahi tai.

THILSIAM THU 11:7

Hung unla, vachia suk hitiu in, a kihotua theilona ding un a pau uh va sukdanglam piak hitiu,” a tia.

THUPUAN 22:3

Hânsia um ta pua’n tin, Pathian leh Belamno lalchutpha chu zia chun um intin; a nasemte chun a na sep piak in au.

SAM 90:1

Lalpa, nang chu suan zosia tiang ah ka umnau la hi.

JOHAN 8:51

Titakzet in ka hil la hiu, Kua’nle ka thu a zui chun thi ta pua’n a,” a tia.

JOHAN 8:52

Ziaphatchun, Judate chun a kiang in, “Tu’hin thitha jawl la hi ti ka hechian tau hi, Abraham a thi ta’n, jawlneite le a thi tau hi; nang in la, ‘Kua’nle ka thu a zui chun thina tep pua’n ah,’ la ti’n;

JOHAN 14:24

Kuale, keima ei hepi lo chun, ka thugente le a zui nuam diak puau hi; ka thugen la hiatteu hi kei â ahi puai, Pa ei sawlpa â ahi zawi.

JOHAN 15:10

Ka thupiakte la zop zing ua leh ka hepina’n um zing in lau; keima’n le ka Pa thupiakte ka jawm ah, a hepi ah ka um zing gual hin.

JOHAN 16:27

keima lei hepi ziak uh leh, Pa ah kipat hung ka hi dan la taksan tâk ziak un, Pa ngei chun nangmau a hun hepi hi.

EPHESA 3:17

chuleh, hepina ah zung kai leh kinga in, Khrista chu ginna ziak ah la lunggil sung ua a chêntheina ding in.

1 JOHAN 2:5

Himaleh, a thu zawm tapo chu, ama ah chun Pathian hepina chu a bukim hi. Zia chun ama ah I um uh chu I hethei ui.

1 JOHAN 5:3

Pathian hepina chu zia hi ahi, a thupiakte I zop uh hi. A thupiakte le a haksa puai.

2 JOHAN 1:6

Zia hi hepina chu ahi: A thupiak dungzui ah I um uh hi; zia thupiak hi a lim ah kipat la neisau chu ahi, zia ah chun um zing tau in.

THUPUAN 21:3

Van ah kipat aw ngai tak in: “Ngaitia, Pathian biakbûk chu, mihing lak in a hung um tai. Ama chu a lak un chêng intin, amau chu a mite hi’n tiu in, Pathian ngei chu amau lak ah um intin; a Pathian uh hita’n a.