JOHAN 14:10 - PATHIAN LEKHABU THIANGTHO (BSI)

¹⁰ Keima Pa ah ka um hi ti leh, Pa chu keima ah a um hi, ti hi hechian nai lo la hem? La kiang ua thu ka gente hi keima phuak kawm ka gen a hipua’n, keima ah Pa um chun, zia na chu a hun sêm zaw ahi.

JOHAN 14:10 Referans Kwoze

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 10:38

Ahi’n la, ka sep ahi chun, kei ei taksang lo maleu chinle, thil kibawlte bêk hi taksang un; Pa keima ah um ti leh, keima Pa ah ka um ti la het ua, la taksan theina ding un,” a tia.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

JOHAN 12:49

Keima phuakkawm in thu ka gen puai, Pa ei sawlpa’n ka gen ding leh ka hil ding thu chu ei pia zaw ahi.

JOHAN 10:30

Kei leh ka Pa chu pumkhat ka hiu,” ti’n a dawnhu a.

JOHAN 8:28

Tichun, Jesu’n a kiang un, “Mihing Chapa hi la hun khaikâng tak ua leh, kei hi ama chu ka hi ti hun he ta’n la tiu in; chuleh, keima thu bangma ka bawl lo dan leh, Pa’n ei thupiakte bep bawl sek ka hi dan hi hun hechian ta’n lau.

KOLOSSA 2:9

Ama ah chun Pathian bukimna zosia chu taksa nei in a um zing ngal a.

JOHAN 17:8

nang in thu gen ding ah lei piakte kha ka gen zo ta’n, nei le a nei tau in, nangma ah kipat pawt ka hi’danle a hechian tau in, nang in lei sawl ka hi tile a taksang tau hi.

JOHAN 5:17

Himaleh, Jesu’n a kiang un, “Ka Pa’n tutiang hin na a sêm zing in, ke’nle ka sêm ahi,” a tia.

1 JOHAN 5:7

Hiatsaktu pathum a um hi:

2 KORINTH 5:19

Pathian in Khrista ah chun khawvel hi ama tawh kicham in a siam ah, a hi’khelnateu chu amau kãl ah guat lo in, kichamna nasepna ei vopsak tai.

JOHAN 8:38

Keima’n ka Pa ah kipat thu ka mute ka gen in; nang unle la Pau ah kipat thu la muteu la bawl sek uh ahi,” a tia.

KOLOSSA 1:19

Ama ah chun Pathian bukimna chu kilung tuak tak in a um khawm tangal un;

JOHAN 14:20

Ziaphat chuleh, nang un keima Pa ah ka um leh, nangmau ah kei um ka hi’dante hi hun hechian ta’n lau.

JOHAN 7:16

Jesu’n a kiang un, ka thugen hi keima thu ahi pua hen, ei sawlpa ah kipat a hizawi.

JOHAN 8:40

himaleh, Pathian ah kipat thu tak ka hiatte hun hil sek keima hi thâ lei guau hi. Abraham in vang zia gual chun a bawl ngai puai.

JOHAN 11:26

chuleh, hing ah, keima ei gingcha chu thi ngai ta pua’n au. Zia chu la taksang em?” a tia.

JOHAN 3:2

Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

JOHAN 14:11

Keima Pa ah um ka hi’dan leh, Pa keima ah um a hi’dan hi hun taksang un; ahiloleh le, a nasepte ziak bêk ah hin ei taksang tau in la.

JOHAN 14:24

Kuale, keima ei hepi lo chun, ka thugente le a zui nuam diak puau hi; ka thugen la hiatteu hi kei â ahi puai, Pa ei sawlpa â ahi zawi.