JOHAN 13:33 - PATHIAN LEKHABU THIANGTHO (BSI)

³³ Naute haw, la kiang un chomkhat bep um ding ka hi tai. Nang un ei hawl in lau; chuleh, Judate kiang ah, ‘Ka chiana ding ah hung thei pua’n lau,’ ti ah ka gen gual khan, tu’hin nang uh kiang inle ka gen a hi.

JOHAN 13:33 Referans Kwoze

1 JOHAN 2:1

Ka chate haw, thil la hi’khial lona ding un zia thilte hi ka hun zik ahi. Ahi’n la, kua’n le thil a hi’khial chun, Pa kiang ah ei gen piak ding Jesu Khrista midik chu I nei ui.

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

1 JOHAN 5:21

Naute haw, milimte ah kipat kikoi kiang un.

1 JOHAN 4:4

Naute haw, Pathian ah kipat la hiu a, ziate chu la zo tau hi; nangmau ah um chu khawvel ah um sâng ah chun a hatzaw ngal a.

GALATIA 4:19

Chate haw, Khrista chu nangmau ah siam pitin ah a um masia, nauvei in ka hun vei la hiu.

JOHAN 7:36

Ei hawl in la tiu in, ei mu ta puan lau, keima chiana chun hung thei puan lau, a ti hi bang a ti’na ahi diam? a kitiu a.

JOHAN 13:36

Simon Peter chun a kiang in, “Lalpa, khoi ah chia ding la hem?” a tia. Jesu’n a dawnhu a, “Ka chiana ding ah hin tu’hin ei zui thei pua’n la tin; ahi’n, chomkhat zaw tak leh ei hun zui kit thei ta’n la,” a tia.

JOHAN 14:2

Ka Pa In ah umna tam tak a um hi. Chuti hiloleh, nang uh â ding ah mun siam in ka chia hi, ti ding ka hem?